నేను చేసిన తప్పేంటో..! దానికే అంతలా రియాక్ట్ కావాలా..? రకుల్ ప్రీత్ ఫైర్

రకుల్ కోసమే మన్మథుడు 2 సెపరేట్ టీజర్

మన్మథుడు 2 లో అవంతిక పాత్రలో నటిస్తోంది రకుల్ ప్రీత్ సింగ్. ఈ పాత్రలో రెండు డిఫెరెంట్ కోణాల్లో రకుల్ పర్‌ఫార్‌మెన్స్ చూడనున్నారు ప్రేక్షకులు. అయితే ఈ క్రేజీ పాత్రను క్యాచ్ చేసుకొని సినిమాపై హైప్ తీసుకురావాలనే ఉద్దేశంతో రకుల్ క్యారెక్టర్‌ని ఎలివేట్ చేస్తూ సెపరేట్ టీజర్ కట్ చేసి రిలీజ్ చేసింది మన్మథుడు 2 టీమ్. ఇందులో రకుల్ ముందుగా పద్దతిగా కనిపించి, ఆ తర్వాత మెల్లగా తన విశ్వరూపం చూపించింది.

మరోసారి రకుల్‌పై నెటిజన్స్ ట్రోలింగ్

ఈ టీజర్ లో రకుల్ సిగరెట్ కాలుస్తున్న సన్నివేశాలు, ''ఇప్పటిదాకా U సర్టిఫికెట్ ప్రయత్నించాను. ఇప్పుడు A సర్టిఫికెట్ చూపిస్తా'' అని నాగార్జునతో రకుల్ చెప్పే డైలాగ్ బాగా హైలైట్ అయ్యాయి. అయితే కొందరు నెటిజన్లు మాత్రం వీటిపై ఫైర్ అవుతూ రకుల్‌ని విమర్శించారు. ఎందరో అమ్మాయిలకు రోల్‌మోడల్‌ గా ఉండాల్సిన మీరు ఇలా సిగరెట్ కాల్చడమేంటని తిట్ల పురాణం స్టార్ట్ చేశారు.

మీడియా ముందు రకుల్ రియాక్షన్

తాజాగా ఓ ఆంగ్ల మీడియాకిచ్చిన ఇంటర్వ్యూలో రకుల్.. తనపై వస్తున్న కామెంట్లను లైట్ తీసుకుంటున్నట్లుగా పేర్కొంది. ప్రజల పనే అది.. ఎప్పుడూ ఏదో ఒకటి అంటుండటం కామనే అని చెప్పింది. 'కబీర్‌ సింగ్‌'లో షాహిద్‌ కపూర్‌ సిగరెట్ తాగలేదా? క్యారెక్టర్ డిమాండ్ చేస్తే సిగరెట్ కాల్చడం తప్పా..? అయినా సినిమాను, నిజ జీవితాన్ని ఎందుకు ఇలా పోల్చి చూస్తున్నారో అర్థంకావడం లేదు అని రకుల్ పేర్కొంది. ఇంకా తెలియాలంటే సినిమా చూస్తే మీకే తెలుస్తుందని రకుల్ చెప్పింది.

మన్మధుడు 2 మూవీ

గతంలో వచ్చిన మ‌న్మ‌థుడు సినిమా ఇన్‌స్పిరేష‌న్‌తో రాహుల్ రవీంద్రన్ దర్శకత్వంలో ‘మన్మథుడు 2' చిత్రం తెరకెక్కుతోంది. చిత్రంలో కింగ్ నాగార్జున, రకుల్ ప్రీత్ సింగ్ హీరోహీరోయిన్లుగా నటిస్తుండగా కీర్తి సురేష్, సమంత కీలక పాత్రలు పోషిస్తున్నారు. మ‌నం ఎంట‌ర్‌ప్రైజ‌స్‌, ఆనంది ఆర్ట్ క్రియేష‌న్స్‌, వ‌యాకామ్ 18 మోష‌న్ పిక్చ‌ర్స్ ప‌తాకాల‌పై నాగార్జున అక్కినేని, పి.కిర‌ణ్ (జెమిని కిర‌ణ్‌) ఈ చిత్రాన్ని నిర్మిస్తున్నారు. ఆగస్టు 9న ఈ సినిమా విడుదల కానుంది.