కాబోయే మొగుడు ఎలా ఉండాలంటే.. రహస్యం చెప్పేసిన రకుల్‌ప్రీత్ సింగ్

పడక గది రహస్యాలను బయటపెట్టే షో..

'ఫీట్ అప్ విత్ ది స్టార్స్' అనే పేరిట సెలెబ్రిటీల పడక గది రహస్యాలను బయటపెట్టే ఓ షో రన్ అవుతోంది. ఆన్‌లైన్ వేదిక అయిన వూట్ యాప్‌లో ప్రసారమయ్యే ఈ షోకి మంచు లక్ష్మి హోస్ట్‌గా వ్యవహరిస్తోంది. సెలబ్రిటీల అంతరంగిక విషయాలను ప్రేక్షకులకు తెలియజేయాలనే కోణంలో ఈ కార్యక్రమం డిజైన్ చేశారు. తాజాగా ఇదే కార్యక్రమంలో రకుల్‌ప్రీత్ చేత సీక్రెట్స్ బటయపెట్టించింది మంచు లక్ష్మి.

యంగ్ హీరోయిన్స్.. ఒక్కరిదీ ఒక్కో కోరిక

'ఫీట్ అప్ విత్ ది స్టార్స్' షోలో భాగంగా ఇప్పటికే కొందరు యంగ్ హీరోయిన్స్‌ని ఇంటర్వ్యూ చేసిన మంచి లక్ష్మి వాళ్ళ సీక్రెట్ లాగేసింది. సమంత లాంటి టాలీవుడ్ టాప్ హీరోయిన్ చేత కూడా పడక గది రహస్యాలను బయటపెట్టించిన మంచు లక్ష్మి.. ఈ సారి రకుల్ ప్రీత్ సింగ్‌ని అస్సలు వదలలేదు. ఆమెకు సంబంధించి ప్రేమ, పెళ్లి విషయాలపై ఎక్కువగా ఫోకస్ పెట్టి ఆ వివరాలు పట్టేసింది.

పెళ్లి చేసుకోవాలంటే.. కనీసం

ఇందులొ భాగంగా తనకు కాబోయే వాడు ఎలా ఉండాలో కూడా చెప్పింది రకుల్ ప్రీత్ సింగ్. తనతో జీవితం పంచుకునే వాడు కనీసం ఆరడుగులైనా ఉండాలని తెలిపింది. అంతకంటే తక్కువైతే తనకు నచ్చదని, అంత హైట్‌తో పాటు తెలివైన వాడై కూడా ఉండాలని చెప్పింది. అలాంటి క్వాలిటీస్ ఉన్న వరుడు దొరికితేనే తాను పెళ్లి చేసుకుంటానని.. లేదంటే దొరికేదాకా వెయిట్ చేస్తానని రకుల్ తన మనసులోని మాట బయటపెట్టింది.

నాగార్జున, కమల్ హాసన్

ఇక రకుల్ సినిమాల విషయానికొస్తే.. టాలీవుడ్‌లో ఇటీవలే నాగార్జున సరసన 'మన్మథుడు 2'లో రొమాన్స్ చేసింది. ఇప్పుడు 'భారతీయుడు 2' సినిమాలో కమల్ హాసన్ సరసన నటిస్తోంది. అలాగే బాలీవుడ్‌లో 'మర్జవా' చిత్రంలో నటిస్తోంది. ఈ చిత్రంలో సిద్ధార్థ్ మల్హోత్రా, రితేశ్ దేశముఖ్, తారా సుతారియా ముఖ్యపాత్రలు పోషిస్తున్నారు. అతిత్వరలోనే మరోసారి ఇటు టాలీవుడ్, అటు బాలీవుడ్ తెరలకు తన అందాలతో వన్నె తీసుకురానుంది రకుల్.