రకుల్ పొట్టలో గుద్ది పారిపోతూంటే, రాయి విసిరింది, అసలేం జరిగింది..పూర్తి డిటేల్స్

రకుల్ మాట్లాడుతూ... " నేను పిఫ్త్ స్టాండర్డ్ చదివేటప్పుడు, నేను బాత్ రూమ్ కు వెళ్లాలంటే కంట్రోలు చేసుకుని కాస్సేపు ఆగలేకపోయేదాన్ని. ఎందుకంటే నేను చిన్నప్పుడు ఎక్కువ మంచి నీళ్లు తాగుతూండేదాన్ని.

అయితే ఓ సారి ఎగ్జామ్ లో నేను బాత్ రూమ్ కు వెళ్లాలి అన్నాను. అయితే టీచర్ కుఅనుమానం వచ్చి ఎగ్జామ్ పూర్తయ్యాక వెళ్ళమంది.

అంత చిన్నవయస్సులో నాకు కాపీ ఆలోచనలు ఉంటాయా అని ఆలోచించలేదు. అప్పుడు టీచర్ నేను నాతో పాటు అనుమానం ఉంటే బాత్ రూంకు రమ్మనిమని అన్నాను. ఆమె ఒప్పుకోలేదు.

నేను మొత్తానికి నా పరీక్ష పూర్తి చేసుకుని, నా డస్క్ దగ్గరనుంచి పరుగెత్తుకు వెళ్లి, టీచర్ కు పేపర్ ఇచ్చేసి, తెగ ఏడ్చేసాను.

అప్పుడు నా వయస్సు ఓ ఆరు సంవత్సరాలు ఉంటుందంతే. అదే నా జీవితంలో చాలా ఎంబ్రాసింగ్ మూమెంట్ అంటూ చెప్పుకొచ్చింది.".

ఇప్పటికీ ఆమె చిననాటి మగ స్నేహితులు కలిస్తే..ఏంటి నువ్వు హీరోయిన్ వి అయ్యావా అని ఆశ్చర్యపోతూంటారు.

నేను ఇంకా అలాగే టామ్ బోయ్ లాగ ఉంటారనుకున్నారేమో అని ఆమె నవ్వేసింది.

ఇతర హీరోయిన్స్ తో మీరు ఎప్పుడైనా పోల్చుకుంటారా అంటే ..ఖచ్చితంగా ఎవరైనా పోల్చుకోను అని చెప్తే అబద్దమే

మీరు సీక్రెట్స్ ఎప్పుడైనా లీక్ చేసారా అంటే చేసాననే చెప్తా

మీరు మీ వయస్సు గురించి అబద్దం ఎప్పుడైనా చెప్పారా అంటే నో అంది

మీరు మీ పేరెంట్స్ కు తెలియకుండా ఎ సర్టిఫికేట్ సినిమా చూసారా అంటే చూసానని చెప్పింది.

మీరు పబ్ కు వెళ్లినప్పుడు ఐడిని చూపారా అంటే..చేసాను...బ్యాంకాక్ కు వెళ్లినప్పుడు అక్కడ పబ్ లో చూపెట్టాను

కాలేజి ఎగ్గొట్టి డేట్ కు ఎప్పుడైనా వెళ్లారా అంటే లేదని చెప్పిందామె

మీరు ఎప్పుడైనా ఎగ్జామ్స్ ఫెయిలయ్యారా అంటే లేదని చెప్పింది

మిమ్మల్ని ఎవరైనా సిన్సియర్ గా ఫాలో చేసారా అంటే..చేసారు..కానీ సారి చెప్పాను

లాంగ్ డ్రైవ్ చేస్తూ లవ్లీ మ్యూజిక్ తో మంచి ఫుడ్ తో ఉండేదే ఐడియల్ డేట్ అని చెప్పింది

తెర మీద వచ్చే ముద్దు సీన్లతో మీ పేరెంట్స్ కు సమస్య లేదా అంటే వాళ్ల పర్మిషన్ ఎప్పుడూ తీసుకోలేదు అంది

నేను చాలా ప్రాక్టికల్‌గా, మరీ చెప్పాలంటే నెగెటివ్‌గా ఆలోచిస్తా. సినిమాల్లోకి వెళ్లాలని ఉన్నా, అక్కడ క్లిక్‌ అవకపోతే ఏంటీ పరిస్థితి అనీ ఆలోచించేదాన్ని.

ఏదైనా ప్రమాదం జరిగితే నా కాళ్ల మీద నేను నిలబడటానికి ఏం చేయాలా అనుకున్నా. అందుకే డిగ్రీలో మ్యాథ్స్‌ గ్రూప్‌ ఎంచుకున్నా. సినిమాల్లో రాణించలేకపోతే ఎంబీయే చేయాలన్నది నా ఆలోచన.

డిగ్రీ ఫస్టియర్‌లో ఉన్నప్పుడు మోడలింగ్‌ ఏజెన్సీ ద్వారా కన్నడలో ‘గిల్లీ' సినిమాలో హీరోయిన్‌గా అవకాశం వచ్చింది.

‘7జి బృందావన్‌ కాలనీ' సినిమాకు రీమేక్‌ అది. నెలరోజులు నటిస్తే సరిపోతుందని చెప్పారు. అప్పటికి నాకు దక్షిణాది సినిమాల గురించి ఏమాత్రం తెలీదు.

పాకెట్‌మనీకి బోలెడు డబ్బులొస్తాయి, సినిమా రంగంలో అనుభవం కూడా వస్తుందని ఒప్పుకున్నా. నెల రోజులు పనిచేశాక, డిగ్రీ పూర్తయ్యాక కూడా అదే రంగంలో కొనసాగాలని గట్టిగా నిర్ణయించుకున్నా.

ఆ సినిమా విడుదలయ్యాక నటిగా గుర్తింపుతో పాటూ అవకాశాలూ వచ్చాయి. మొట్టమొదట నాకు ఫోన్‌ చేసింది పూరీ జగన్నాథ్‌. ఓ సినిమాలో అవకాశం ఇవ్వడానికి పిలిచారు.

కాకపోతే శిక్షణ ఉంటుందనీ, ఓ వంద రోజులు డేట్లు కావాలని అడిగారు. అన్ని రోజులు కుదరదనీ డిగ్రీ పూర్తిచేయాలనీ చెప్పా.

‘డిగ్రీ మెడలో వేసుకుని తిరగం కదా, మంచి అవకాశాలు మళ్లీ రావు' అని ఆయన నాన్నకు నచ్చజెప్పారు. నాన్న కూడా నన్ను కరస్పాండెన్స్‌లో చదవుకోమని అన్నారు. నేను మాత్రం దానికి ఒప్పుకోలేదు.

‘గిల్లీ' సినిమా వల్ల ఫస్టియర్‌లో అటెండన్సు చాలా తగ్గింది. దాంతో సినిమా ఆలోచన కొన్నాళ్లు పక్కనపెట్టా.

ఈలోగా తెలుగులో మళ్లీ ‘కెరటం' అనే సినిమాలో హీరోయిన్‌గా అవకాశం వచ్చింది. 60 రోజులు పడుతుందన్నారు.

అన్ని రోజులు కుదరదనీ, ఏదైనా వేరే పాత్ర ఉంటే ఇవ్వమనీ అడిగా. బహుశా హీరోయిన్‌ కావాలనుకునే వాళ్లెవరూ అలా అడగరు. నేను మాత్రం ఆ సినిమాలో ఓ చిన్న పాత్ర కోసం ఆర్రోజులు షూటింగ్‌లో పాల్గొన్నా. సా

ధారణ కుటుంబాలకు చెందిన వాళ్లు సినిమాల్లోకి రావాలంటే బ్యూటీ కాంటెస్టులే సరైన వేదికలు. నేను కూడా అదే ఉద్దేశంతో డిగ్రీ చివర్లో ఉన్నప్పుడు మిస్‌ ఇండియా పోటీల్లో పాల్గొన్నా.

ఒక్కోమెట్టూ ఎక్కుతూ ‘ఫైనల్‌ ఫైవ్‌' దశకు చేరుకున్నా. కానీ కొద్దిగా తేడాతో ‘మిస్‌ ఇండియా' కిరీటం మిస్సయింది. కానీ ఆ పోటీల్లో ‘మిస్‌ ఇండియా బ్యూటిఫుల్‌ స్మైల్‌, ఐస్‌, ఫేస్‌, టాలెంటెడ్‌' విభాగాలతో పాటూ ప్రేక్షకుల ఓట్ల ద్వారా ‘మిస్‌ ఇండియా పీపుల్స్‌ ఛాయిస్‌' అవార్డునూ అందుకున్నా.

ఆ తరవాతే ప్రకటనలతో పాటూ నెమ్మదిగా సినిమాల్లో అవకాశాలు రావడం మొదలయ్యాయి. నాకొచ్చిన ఆఫర్ల గురించి స్టడీ చేశా. పూరీ జగన్నాథ్‌ ఎంత పెద్ద దర్శకుడో, ఆయన సినిమాను వదిలేసి ఎంత తప్పు చేశానో అప్పుడే అర్థమైంది.

సినిమాల్లో నిద్రా, సమయంతో పనిలేదు. ఎప్పుడు పిలిస్తే అప్పుడు, ఎంత సేపంటే అంత సేపు పనిచేయాలి. కానీ నేను త్వరగా అలసిపోను. ఈ విషయంలో నా స్పోర్ట్స్‌, నాన్న నేర్పిన క్రమశిక్షణ చాలా ఉపయోగపడుతున్నాయి.

ఎంత బిజీగా ఉన్నా జిమ్‌కు బ్రేక్‌ ఇవ్వను. వారంలో ఓ మూడ్రోజులు యోగా చేస్తా. వారానికోసారి గోల్ఫ్‌ ఆడతా.

చిన్నప్పట్నుంచీ చాలా రాష్ట్రాల్లో పెరగడం వల్ల అందరితో సర్దుకుపోయే తత్వం పెరిగింది. సినీ రంగంలో అది చాలా అవసరం.

తెలుగు చాలా బాగా మాట్లాడతా. సుమారు పది భాషలు అర్థమవుతాయి.

హీరోయిన్‌గా రాణించకపోతే ఏం చేయాలని ముందే నిర్ణయించుకున్నా. ఎంబీయే ‘బ్రాండ్‌ మేనేజ్‌మెంట్‌' చేసి ఆ రంగంలో స్థిరపడేదాన్ని.

గాడ్జెట్స్‌ పైన మరీ అంత ఆసక్తి లేదు. కాకపోతే మాటిమాటికీ ఫోన్‌ చూసుకునే అలవాటుంది. తోటి నటులు ఆ విషయంలో నన్ను ఆటపట్టిస్తారు.

అమితాబ్‌ నాకు ఇష్టమైన నటుడు. ఆయన పక్కన కూతురిగా ఒక్క నిమిషం నటించే పాత్ర వచ్చినా చేస్తా.

సినిమాల్లో తొలి అవకాశం రావాలంటే అదృష్టం ఉండాలి. నేను అనుకున్నట్లు ‘మిస్‌ ఇండియా' పోటీల తరవాత అవకాశాలు వాలిపోలేదు. చాలా నెమ్మదిగా కెరీర్‌ మొదలైంది.

మొదట తమిళంలో ‘పుత్తగన్‌' అనే సినిమా చేశా. ఆ తరవాత హిందీలో ‘యారియా' చేశా. ఆ రెండూ విజయం సాధించాయి.

తరవాత తెలుగులో ‘వెంకటాద్రి ఎక్స్‌ప్రెస్‌'లో అవకాశం వచ్చింది. నిజానికి మొదట ఒప్పుకున్న సినిమా ‘రఫ్‌'.

రఫ్ చిత్రం ముప్ఫయి రోజులు షూటింగ్‌ జరిగాక అది వాయిదా పడుతూ వచ్చింది. ఈలోగా ‘వెంకటాద్రి ఎక్స్‌ప్రెస్‌' విడుదలై హిట్టయింది. ఆ తరవాత గోపీచంద్‌తో చేసిన ‘లౌక్యం', మనోజ్‌తో ‘కరెంట్‌ తీగ' కూడా విజయాన్ని అందుకున్నాయి.

ఓవైపు తమిళం నుంచి ఆఫర్లు మొదలయ్యాయి. ప్రస్తుతం రామ్‌తో ‘పండగ చేస్కో', రవితేజతో ‘కిక్‌ 2' విడుదల అయ్యాయి. బాలీవుడ్‌లో ‘సిమ్లా మిర్చి' కూడా చేసా. ‘జూ.ఎన్టీఆర్‌-సుకుమార్‌', ‘రామ్‌చరణ్‌-శ్రీనువైట్ల' సినిమాలు కూడా చేసా.

పన్నెండో తరగతిలో నేను స్కూల్‌ స్పోర్ట్స్‌ కెప్టెన్‌గా ఉండేదాన్ని. ఓసారి క్లాస్‌ జరుగుతున్నప్పుడు కిటికీలో నుంచి బ్యాగ్‌ను బయటకు విసిరేసి దూకేశా. అప్పుడే ఎదురుగా మా క్లాస్‌ టీచర్‌ వచ్చింది. విషయం తెలిసి ప్రిన్సిపల్‌ నన్ను పదిహేను రోజుల పాటు స్పోర్ట్స్‌ కెప్టెన్‌గా సస్పెండ్‌ చేశారు.

నా టై, బ్యాడ్జీ తీసేసుకున్నారు. ఇంట్లో విషయం తెలియకూడదని నేను ఫ్రెండ్‌ టై, బ్యాడ్జ్‌ తీసుకొని వెళ్లేదాన్ని. మూడు రోజుల తరవాత తమ్ముడి గురించి మాట్లాడటానికి అమ్మ స్కూలుకొచ్చింది. అప్పుడే ప్రిన్సిపల్‌ నా గురించి చెప్పారు. ఇంటికొచ్చాక నా టై ఎక్కడని అమ్మ అడిగింది. విషయం అర్థమైందని తెలిసి సారీ చెప్పా.

‘నీకు స్కూల్‌కి వెళ్లాలని లేకపోతే ఇంట్లోనే ఉండూ, కానీ బయటి వాళ్లతో ఇలా చెప్పించకు' అన్నారు. అప్పట్నుంచీ అలాంటి పనులు మానేశా.

పన్నెండో తరగతిలో ఉన్నప్పుడే పోర్ట్‌ఫోలియో తయారు చేయించుకుని మోడలింగ్‌లోకి అడుగుపెట్టా.

నాకు చిన్నప్పట్నుంచీ ఫొటోలు దిగడం చాలా ఇష్టం. ఇంట్లో ఎప్పుడూ నా ఒక్కదాని ఫొటోలే తీయమని గొడవ చేసేదాన్ని. అమ్మ కూడా, ‘పెద్దయ్యాక మోడల్‌ అవుదువులే, ఇప్పుడు చదువుకో' అని చెప్పేది.

నేను నాలుగో తరగతికి వచ్చేవరకూ నాకు ఏ స్నేహితుల మొహం గుర్తులేదు. నాలుగో తరగతి చదివేప్పుడు జలంధర్‌లో ఉన్నాం. అక్కడ ఒకమ్మాయి నాకు బెస్ట్‌ ఫ్రెండ్‌ అయింది. కానీ షరా మామూలుగా నాన్నకు బదిలీ అయింది. నేను అక్కడే ఉండి చదువుకుంటానని బాగా ఏడ్చా.

‘మనం ఇప్పుడు నాసిక్‌ వెళ్తున్నాం. అక్కడ ప్యారా సెయిలింగ్‌, స్కై జంపింగ్‌ లాంటి బోలెడు ఆటలుంటాయి. ఇండియాలో ఇంకెక్కడా అవి ఉండవు' అని నచ్చ జెప్పడంతో అక్కడికెళ్లడానికి ఒప్పుకున్నా. అలా తొమ్మిదో తరగతికి వచ్చేసరికి పది స్కూళ్లు మారా.