twitter
    For Quick Alerts
    ALLOW NOTIFICATIONS  
    For Daily Alerts

    మండుతున్న ముక్కు , నీళ్లు కారుతున్న కళ్లతో రామ్

    By Srikanya
    |

    హీరో రామ్ ప్రస్తుతం తన పరిస్ధితి గురించి చెపుతూ... ''గుంటూరులో ఉన్న ఘాటంతా ఈ మిర్చీ యార్డ్ లోనే ఉన్నట్లుంది. మండుతున్న ముక్కు, నీళ్లు కారుతున్న కళ్లతో, దగ్గుతో పరిస్థితి డిఫరెంట్‌గా ఉంది'' అన్నారు. 'బొమ్మరిల్లు' భాస్కర్ దర్శకత్వంలో రామ్ నటిస్తున్న తాజా చిత్రం షూటింగ్ గుంటూరులో జరుగుతోంది. సిటీలోని ఓ పెద్ద మార్కెట్ యార్డ్ బ్యాక్ డ్రాప్ లో జరిగే కథతో ఈ చిత్రం తెరకెక్కుతోంది. ఈ సందర్భంగా రామ్ ..గుంటూరు లో మకాం వేసారు.

    అలాగే గుంటూర్ లో ఎండలు మండిపోతున్నాయ్. భరించలేనంత వేడిగా ఉన్నా చాలా ఎక్సయిటింగ్‌గా ఉందని రామ్ అన్నారు. దానికి కారణం ఈ చిత్రకథ కొత్తగా ఉండటం, తన లుక్ కూడా కొత్తగా ఉండటమేనని అని తెలిపారు. ఇది తన జీవితంలో ఒక కొత్త 'ఫేజ్' అని కూడా ఆయన చెప్పారు. రామ్ కెరీర్ లో తొమ్మిదో చిత్రంగా రూపొందుతున్న ఈ చిత్రంలో ఓ తమిళ హీరోయిన్ నటిస్తోంది. జివి ప్రకాష్ సంగీతం అందిస్తున్న ఈ చిత్రం ఫ్యామిలీ ఓరియెంటెడ్ యాక్షన్ చిత్రమని చెప్తున్నారు.

    ప్రస్తుతం రామ్, తమన్నా జంటగా ప్రముఖ దర్శకుడు కరుణాకరన్ దర్శకత్వంలో రూపొందిన చిత్రం 'ఎందుకంటే ప్రేమంట' రిలీజ్ కు రెడీగా ఉంది. స్రవంతి రవికిషోర్ ఈ చిత్రాన్ని నిర్మిస్తున్న జూన్ 1 న విడుదల చేసేందుకు ప్లాన్ చేసారు. అయితే అనుకోని కారణాలు వలన జూన్ 8 కి ఈ చిత్రం వాయిదా వేసారు. అదే రోజున ఈ చిత్రాన్ని తమిళంలో 'ఎన్ ఎండ్రల్ కాదల్ ఎన్‌బెన్' పేరుతో విడుదల చేస్తున్నారు. ప్రస్తుతం పోస్ట్ ప్రొడక్షన్ స్టేజీలో ఉన్న ఈ చిత్రం క్యూట్ రొమాంటిక్ స్టోరీగా చెప్తున్నారు. ఇప్పటికే ఈ చిత్రం ఆడియో విడుదలై ఛార్ట్ బస్టర్ గా నిలిచింది.

    ఈ చిత్రం గురించి హీరో రామ్ మాట్లాడుతూ- యువతరాన్ని వెంటాడే ప్రేమ కథగా ఈ చిత్రం రూపొందుతుందని, కరుణాకరన్ కలర్‌ఫుల్‌గా చిత్రీకరించాడని చెప్పారు. అలాగే జెనీవా స్విట్జర్లాండ్‌లలో షూట్ చేసిన పాటలు హైలెట్‌గా ఉంటాయని తెలిపారు. రాధికా ఆప్టే, సుమన్, షాయాజిషిండే, రఘుబాబు, సుమన్‌శెట్టి తదితరులు నటిస్తున్న ఈ చిత్రానికి సంగీతం: జి.వి.ప్రకాష్‌కుమార్, నిర్మాత: పి.రవికిషోర్, కథ, స్క్రీన్‌ప్లే, దర్శకత్వం: కరుణాకరన్.

    English summary
    Ram and Bommarillu Bhaskar's new film commences its regular shoot in Guntur town. The film is set in the backdrop of this city and city's biggest market yard. This is being produced by BVSN Prasad and has music by GV Prakash.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X