'ఆచార్య'లో రామ్ చరణ్ లుక్ ఇలానే ఉంటుందట.. స్పెషల్ పోస్టర్ వైరల్

ఫ్యాన్ మేడ్ పోస్టర్ ట్రేండింగ్..

కొరటాల శివ దర్శకత్వంలో తెరకెక్కుతున్న ఆచార్య సినిమాలో మెగాస్టార్, మెగా పవర్ స్టార్ లను ఒకే ఫ్రేమ్ లో చూపించబోతున్న విషయం తెలిసిందే. అయితే సినిమాలో రామ్ చరణ్ లుక్ ఎలా ఉంటుందా అని అభిమానులు ఎంతో ఆతృతగా ఎదురుచూస్తున్న సమయంలో సోషల్ మీడియాలో ఒక పోస్టర్ ను ట్రెండ్ అవుతోంది..

లుక్ అయితే అదిరింది..

అయితే ఆ పోస్టర్ నిజమైంది కాదు. దాదాపు ఒరిజినల్ లుక్ ఇలానే ఉంటుందని ఫ్యాన్ మేడ్ పోస్టర్ అదిరిపోయిందని మెగా అభిమానులు కామెంట్స్ చేస్తున్నారు. అందుకు సంబంధించిన ట్వీట్ వైరల్ గా మారింది. ఇక ఆచార్య ట్యాగ్ కూడా ఒక్కసారిగా సోషల్ మీడియాలో ట్రెండ్ లిస్ట్ లోకి చేరిపోయింది.

ఆచార్యలో కూడా..

ఇక మెగాస్టార్ చిరంజీవి ఆరు పదుల వయసు దాటుతున్నా కూడా ఇంకా యువ హీరోల మాదిరిగానే జనాలను ఆకర్షిస్తున్నారు. ఖైదీ నెంబర్ 150 సినిమాలో ఎలాంటి లుక్ తో ఆకట్టుకున్నారో స్పెషల్ గా చెప్పనవసరం లేదు. ఇక సైరా సినిమాలో అంతకంటే డిఫరెంట్ లుక్ తో ఎట్రాక్ట్ చేశారు. ఇక నెక్స్ట్ ఆచార్య సినిమాలో మునుపెన్నడు కనిపించని విధంగా రెండు రకాల షేడ్స్ లలో కనిపిస్తాడట.

10ఎకరాల స్థలంలో..

ఇక సినిమా కథలో ఒక ప్రత్యేకమైన ఆలయ పట్టణం సెట్ ను నిర్మిస్తున్నారట. ఈ భారీ సెట్ వెనుక ప్రముఖ తమిళ ఆర్ట్ డైరెక్టర్ సురేష్ సెల్వరాజన్ కృషి ఎంతగానో ఉందట. మొదట రూ.10కోట్ల ఖర్చుతోనే నిర్మించి మిగతాది గ్రీన్ మ్యాట్ తో కవర్ చేసి ఆ తరువాత VFX తో మ్యానేజ్ చేయాలనీ అనుకున్నారట. కానీ సినిమా కథకు ఎంతో ముఖ్యమైన సెట్ కావడంతో పూర్తిగా 20ఎకరాల స్థలంలో సెట్ ను నిర్మించినట్లు సమాచారం.

ఖర్చు ఎంతంటే..

హైదరాబాద్ శివార్లలోని కోకాపేటలో నిర్మించిన ఈ సెట్ కోసం మొత్తంగా 20 కోట్ల వరకు ఖర్చయినట్లు తెలుస్తోంది. ఇంతవరకు ఏ ఇండియన్ సినిమా కోసం ఈ స్థాయిలో సెట్ నిర్మాణం జరగలేదట. ఇక ఈ విలువైన సెట్ లో మెగాస్టార్ యాక్షన్ సీన్ తో పాటు రెజీనాతో ఒక సాంగ్ ను చిత్రీకరించనున్నట్లు తెలుస్తోంధీ. ఇక వచ్చేవారం సినిమాకు సంబందించిన మరొక కొత్త షెడ్యూల్ ని స్టార్ట్ చేయనున్నట్లు టాక్.