రాంచరణ్ తెగ నరికితే, వైరల్ సీన్.. ఇలాంటి ఐడియాలు బోయపాటికే వస్తాయా!

రాంచరణ్ షర్ట్ లేకుండా

స్టార్ హీరోల సినిమాలు విడుదలైనప్పుడు అభిమానులు థియేటర్స్ నుంచే కొన్ని షాట్స్ ని సోషల్ మీడియాలో పోస్ట్ చేస్తుంటారు. వినయ విధేయ రామ చిత్రంలో కూడా అలాంటి షాట్ ఒకటి వైరల్ అవుతోంది. ఈ సన్నివేశం చూస్తే దర్శకుడు బోయపాటి శ్రీను యాక్షన్ సన్నివేశాలపై ఎంతలా ద్రుష్టి పెడతాడో అర్థం అవుతుంది. ఆయన చిత్రాల్లో హింసాత్మక సన్నివేశాలు మరో స్థాయిలో ఉంటాయి. ఈ సీన్ లో రాంచరణ్ షర్ట్ లేకుండా కండలు తిరిగిన బాడీతో కనిపిస్తున్నాడు.

రాంచరణ్ నరికితే

ఇద్దరు రౌడీలు రాంచరణ్ మీదికి దూసుకువస్తుంటారు. రాంచరణ్ వెనుకనుంచి తిరిగి వారిపై కత్తిని ఝుళిపిస్తాడు.. అంతే..రౌడీల తలలు గాల్లో ఎగుతాయి. ఆకాశంలో ఎగురుతున్న గద్దలు గాల్లోకి ఎగిరిన తలలేని అందుకుంటాయి. ఈ సన్నివేశానికి మాస్ ప్రేక్షకులు కేకలు పెడుతూ, విజిల్స్ కొడుతున్నారు. సోషల్ మీడియాలో రోమాలు నిక్కబొడుచుకునే సన్నివేశం అని కామెంట్స్ పెడుతున్నారు. ఇలాంటి హింసాత్మక సన్నివేశాలు బోయపాటి సినిమాల్లో తప్పకుండా ఉంటాయి.

బోయపాటికే ఇలాంటి ఐడియాలు

దర్శకుడు బోయపాటి ఎక్కువగా ద్రుష్టి పెట్టే అంశం యాక్షన్ ఎపిసోడ్స్ మాత్రమే. ఆ సన్నివేశాలకు తగినంత ఎమోషన్ జోడిస్తారు. కాస్త కుటుంబ బంధాలని కూడా చూపిస్తారు. భీభత్సమైన యాక్షన్ సన్నివేశాలు రూపొందించే ఐడియా బోయపాటికే వస్తాయా అని అభిమానులు కామెంట్స్ పెడుతున్నారు.

రంగస్థలం తర్వాత

రాంచరణ్ రంగస్థలం తర్వాత చేసిన ఈ చిత్రం సంక్రాంతి బరిలో నిలిచింది. బాక్సాఫీస్ వద్ద ఏమేరకు సత్తా చాటుతుందో చూడాలి. రాంచరణ్ ఈ చిత్రంలో రాంబో తరహాలో కండలు తిరిగిన శరీరం, ఒంటిపై టాటూలతో కనిపిస్తున్నాడు. అజార్బైజాన్ లో ఈ సన్నివేశాలు చిత్రకరించినట్లు తెలుస్తోంది. వివేక్ ఒబెరాయ్ ప్రతినాయకుడి పాత్రలో నటించాడు.