మెగా ఫ్యాన్స్ కి హ్యాపీ న్యూస్

By Staff

| Published: Tuesday, February 17, 2009, 12:14 [IST]

త్వరలో మగధీరగా కనిపించబోతున్న రామచరణ్ తేజ తర్వాత చిత్రం మార్చిలో ప్రారంభం కానుంది. బొమ్మరిల్లు భాస్కర్ దర్శకత్వంలో ఈ చిత్రం రూపొందనుంది. యూత్ ఫ్యామిలీ ఎంటర్టైనర్ గా రూపొందే ఈ చిత్రం ద్వారా రామ్ చరణ్ ఫ్యామిలీ ఆడియన్స్ కూడా దగ్గర కావాలని యోచిస్తున్నారు. మార్చి పదిహేనవ తేదీ నుండి మొదలయ్యే ఈ చిత్రంలో శ్రీకాంత్..హీరో బాబయ్యగా ఓ కీలకమైన పాత్రను చేయబోతున్నాడని తెలుస్తోంది.

మెగా బ్రదర్ నాగబాబు తన అంజనా ప్రొడక్షన్స్ బ్యానర్ పై ఈ చిత్రాన్ని నిర్మించనున్నారు. చిరంజీవి సూపర్ హిట్ గ్యాంగ్ లీడర్ సినిమాలా యాక్షన్ ప్యామిలీ కలగలిపిన కథ ఇది అని తెలుస్తోంది. పరుగు సినిమాతో చిరు కుటుంబానికి దగ్గరైన భాస్కర్ ఈ సినిమా కథతో అందరినీ ఆకట్టుకున్నాడని చెప్తున్నారు. ఇక ఈ సినిమా కోసం మెగా ఫ్యాన్స్ మాత్రమే కాక రెగ్యులర్ ప్రేక్షకులు కూడా ఆసక్తిగా ఎదురుచూస్తున్నారు. బెస్టాఫ్ లక్ భాస్కర్.