CCL-3లో రామ్ చరణ్ (క్రికెట్ ప్రాక్టీస్ ఫోటోలు)

By Bojja Kumar

Published: Saturday, January 19, 2013, 16:16 [IST]

హైదరాబాద్ : మెగా పవర్ స్టార్ రామ్ చరణ్ తేజ్ అభిమానులకు శుభవార్త. త్వరలో ప్రారంభం కానున్న సెలబ్రిటీ క్రికెట్ లీగ్ 3వ సీజన్లో చెర్రీ తెలుగు వారియర్స్ తరుపున పాల్గొనబోతున్నాడు. ఈ మేరకు ప్రాక్టీస్ కూడా మొదలు పెట్టాడు. సినిమాల్లో బ్యాట్ పట్టి సిక్సులు, ఫోర్లు బాదిన చెర్రీ....రియల్ పిచ్‌పై ఎలాంటి మెరుపులు మెరిపిస్తాడో చూడాలి.

ఫిబ్రవరి 9వ తేదీ నుంచి CCL-3 టెర్నీ ప్రారంభం కానుంది. తొలి మ్యాచ్ కేరళలోని కొచ్చిలో జరుగనుంది. CCL-3కి సంబంధించి కర్టెన్ రైజర్(జట్ల పరిచయ వేదిక) కార్యక్రమం జనవరి 19న ముంబైలోని ఫిల్మ్ సిటీలో నిర్వహించేందుకు ఏర్పాట్లు చేస్తున్నారు. ఈ కార్యక్రమంలో బాలీవుడ్ స్టార్ హీరో సల్మాన్ ఖాన్ స్టేజ్ ఫెర్ఫార్మెన్స్ ఇవ్వనున్నట్లు తెలుస్తోంది.

బిపాస బసు, కాజల్ అగర్వాల్ ఈ టోర్నమెంటుకు బ్రాండ్ అంబాసిడర్స్ గా వ్యవహరిస్తున్నారు. గత సంవత్సరం వరకు తెలుగు, తమిళం, కేరళ, కర్నాటక, హిందీ ఇలా 5 పరిశ్రమలకు చెందిన ఐదు టీంలు మాత్రమే ఉండేవి. అయితే ఈ సంవత్సరం నుంచి మరో రెండు టీంను అదనంగా చేరబోతున్నాయి. ఈ సంవత్సరం మరాఠీ, బోజ్ పురి టీంలు కూడా జాయిన్ కాబోతున్నట్లు తెలుస్తోంది.

CCL-3లో రామ్ చరణ్ (క్రికెట్ ప్రాక్టీస్ ఫోటోలు)

క్రికెట్ ప్రాక్టీస్ చేస్తున్న రామ్ చరణ్

ఐపీఎల్ లో నైట్ పార్టీల మాదిరి........సిసిఎల్‌లో కూడా సిసిఎల్ గ్లామ్ నైట్స్-2013 పేరుతో పార్టీలను ఏర్పాటు చేయబోతున్నారు. సిసిఎల్-3 టోర్నీ ప్రారంభమైన తర్వాత ప్రతి రోజూ రాత్రి జరిగే ఈ పార్టీల్లో సినీ తారలు సందడి చేయనున్నారు.

More from Filmibeat