వెన్ను నొప్పి బాధిస్తోంది, మీ సంకల్పం వల్లే వచ్చా: రామ్ చరణ్

వెన్నునొప్పి బాధిస్తున్నా

కొంతకాలంగా నన్ను వెన్నునొప్పి బాధిస్తోంది. అయినప్పటికీ మీ సంకల్పం వల్లే ఇక్కడి వరకు వచ్చానని రామ్ చరణ్ చెప్పుకొచ్చారు. అభిమానులే తమ కుటుంబానికి అండ అని, వారి వల్లే తాము ఈ స్థాయికి వచ్చామని తెలిపారు.

మా కుటుంబానికి విజయానందాలు

‘కాటమరాయుడు' ట్రైలర్‌ చాలా అద్భుతంగా ఉందని, సినిమా అంతకంటే అద్భుతంగా ఉంటుందన్నారు. గత ఏడాది ధృవ, ఈ ఏడాది ఆరంభంలో ఖైదీ 150, ఉగాదికి ‘కాటమరాయుడు'తో తమ కుటుంబానికి విజయానందాలను అభిమానులు అందిస్తున్నారని రామ్ చరణ్ తెలిపారు.

నా దేవుడు మెగాస్టార్‌ చిరంజీవి

అవంతి విద్యా సంస్థల అధిపతి శ్రీనివాస్‌ మాట్లాడుతూ ‘నా దేవుడు మెగాస్టార్‌ చిరంజీవి' ఎమ్మెల్యే టిక్కెట్‌ ఇచ్చి శాససభ్యున్ని చేస్తే, గత ఎన్నికల్లో పవర్‌స్టార్‌ పవన కళ్యాణ్ అనకాపల్లిలో ప్రచారం నిర్వహించి ఎంపీని చేశారన్నారు.

పులి కడుపున పులే పుడుతుంది

పులి కడుపున పులే పుడుతుందనడానికి రామ్‌చరణే నిదర్శనమన్నారు. తండ్రికి తగ్గ తనయుడిగా సినిమాల్లో రాణిస్తూనే, తండ్రిని సినిమాల్లోకి తీసుకురావడమే కాకుండా అఖండ విజయాన్ని అందించారని, ‘బాస్‌ ఈజ్‌ బ్యాక్‌' అంటే ఎలా ఉంటుందో చూపించారన్నారు.

రామ్ చరణ్ ప్రీ బర్త్ డే బాష్

ఈ నెలలో (మార్చి 27) రామ్ చరణ్ పుట్టినరోజును పురస్కరించుకుని అంతకంటే ముందుగానే ప్రీ బర్త్ డే బాష్ నిర్వహించారు. విద్యార్థుల సమక్షంలో భారీ కేక్‌ను కట్‌ చేశారు.

రామ్ చరణ్ స్టూడెంట్ ఫోరమ్

ఈ సందర్భంగా రామ్‌చరణ్‌ స్టూడెంట్‌ ఫోరమ్‌ ప్రారంభమైంది. ఈ స్టూడెంట్ ఫోరమ్ రామ్ చరణ్ చేతుల మీదుగా ప్రారంభించారు.