ఆ దారి మూసుకుపోలేదు.. ఆ సినిమా పెద్ద షాకిచ్చింది.. రాంచరణ్

జంజీర్‌తో తీవ్ర నిరాశ

జంజీర్ సినిమా రీమేక్‌తో బాలీవుడ్‌లోకి ప్రవేశించాను. ఆ చిత్రం నాకు తీవ్ర నిరాశను మిగిల్చింది. హిందీలో జంజీర్ నా ఫస్ట్ మూవీ కావడంతో భారీ అంచనాలు పెట్టుకొన్నారు. దాంతో ప్రేక్షకుల కొంత నిరాశకు గురయ్యారు అని రాంచరణ్ పేర్కొన్నారు.

బాలీవుడ్ దారులు మూసుకుపోలేదు

జంజీర్ ఫ్లాప్ అయినంత మాత్రన నా బాలీవుడ్‌ దారులు మూసుకుపోలేదు. మంచి కథ దొరికితే మళ్లీ హిందీ చిత్రాల్లో నటిస్తాను. భవిష్యత్‌లో ఏం జరుగుతుందో వేచి చూద్దాం అని రాంచరణ్ అన్నారు.

ప్రియాంకతో మళ్లీ నటిస్తా

జంజీర్‌లో తన పక్కన హీరోయిన్‌గా నటించిన ప్రియాంక చోప్రాపై రాంచరణ్ ప్రశంసల వర్షం కురిపించారు. ప్రియాంక చోప్రా అద్బుతమైన నటి. అకింతభావంతో పనిచేసే పక్కా ప్రొఫెషనల్. ఆమెతో పనిచేయడం గొప్ప అనుభూతి. మళ్లీ అవకాశం లభిస్తే ఆమెతో పనిచేయడానికి ప్రయత్నిస్తాను అని రాంచరణ్ తెలిపారు.

హలీవుడ్‌ ఎంట్రీపై చెర్రీ స్పందన

హాలీవుడ్‌లోకి ఎంట్రీ ఇవ్వాలనే కోరిక లేదు. తెలుగులో నాకు లభిస్తున్న పాత్రల పట్ల చాలా సంతృప్తిగా ఉన్నారు. గొప్పగా కెరీర్ ఉండాలని ఎప్పుడూ ప్లాన్ చేసుకోలేదు. అందివచ్చే ప్రతీ అవకాశాన్ని ఉపయోగించుకోవడమే నా ముందున్న లక్ష్యం. సినిమాలు విజయం సాధించాయా లేదా అనే విషయాన్ని పట్టించుకోకుండా మంచి చిత్రాల్లో నటిస్తాను అని రాంచరణ్ పేర్కొన్నారు.