నా తల్లి అంటే ఎంత ప్రేమనో.. పవన్‌ అన్నా అంతే... రాంచరణ్ ఎమోషనల్

పవన్ అంటే నాకు ప్రాణం..

బాబాయ్ పవన్ కల్యాణ్ అంటే నాకు చాలా ఇష్టం. నేను బాగా ప్రేమించే వ్యక్తుల్లో ఆయన ఒకరు. నేను ఎంతగా ప్రేమిస్తానంటే నా తల్లిని ఎంతగా ప్రేమిస్తానో అంతగా ప్రేమిస్తాను. జీవితంలో నాకు స్ఫూర్తిని ఇచ్చేది మా బాబాయ్ మాత్రమే అన్నారు.

బాబాయ్ అంటే నాకు కొండంత అండ

పవన్ కల్యాణ్ అంటే నాకు మానసికంగా ఓ బలం. ఆయన ఉన్నారంటే నాకు కొండంత అండ. బాబాయ్ నాకు మధ్య బలమైన అనుబంధం ఉంది. బాబాయ్‌కి కూడా నేను అంటే చాలా ఇష్టం అని రాంచరణ్ అన్నారు.

రంగస్థలం షూటింగ్‌లో బిజీ

ప్రస్తుతం రాంచరణ్ నిర్మాతగా తండ్రి ఉయ్యాలవాడ చిత్ర ప్రీ ప్రొడక్షన్ పనుల్లో బిజీగా ఉన్నారు. అంతేకాకుండా సొంత చిత్రం రంగస్థలం 1985 సినిమా షూటింగ్‌ను శరవేగంగా పూర్తి చేస్తున్నారు. అటు నిర్మాతగా, ఇటు నటుడిగా రెండు పడవలపై సక్సెస్ ఫుల్‌గా రాణిస్తున్నారు. ఇటీవల ఆయన నిర్మించిన ఖైదీ నంబర్ 150 చిత్రం ఘన విజయం సాధించిన సంగతి తెలిసిందే.

గ్రామీణ యువకుడి పాత్రలో

ధ్రువ హిట్ తర్వాత ప్రస్తుతం రంగస్థలంలో విభిన్నమైన పాత్రను రాంచరణ్ పోషిస్తున్నాడు. గ్రామీణ ప్రాంత యువకుడిగా పంచెకట్టులో కనిపించనున్నారు. ఈ చిత్రానికి సుకుమార్ దర్శకత్వం వహిస్తున్నాడు.