లారెన్స్ దర్శకత్వంలో రామ్ చరణ్ తేజ?

By Staff

Published: Tuesday, March 10, 2026, 14:10 [IST]

చిరంజీవితో ఎవరికి సినిమా చేయాలని ఉండదు. అందరిలానే లారెన్స్ కి అదే జీవితాశయంట. కాని ప్రస్తుత పరిస్ధితులు దానికి అనుకూలించేలా లేక పోవటంతో చిరంజీవి తన తనయుడు రామ్ చరణ్ తేజ్ తో సినిమా చేసే ఛాన్సిచ్చారుట. దాన్ని దృవీకరిస్తూ లారెన్స్ "అన్నయ్య అవకాశాన్నిచ్చారు...వచ్చే యేడేది ఆ సినిమా ఉంటుంది..ప్రూవ్ చేసుకుంటాను" అంటున్నాడు. కొరియాగ్రాఫర్ గా కెరీర్ స్టార్ట్ చేసి...దర్శకుడుగా ...హీరోగా...సంగీత దర్శకుడుగా...దూసుకుపోతున్న లారెన్స్... చరణ్ సినిమా పట్టడం పెద్ద విషయం కాదు. కాని ఈ మథ్య మరీ తనను తాను మరిచి తెరపై నాగార్జున హీరో అని తనే అంతటా కనిపించటం వంటి విచిత్రాలు చేస్తున్నాడు...చరణ్ సినిమాలోనూ అదే రిపీట్ అవుతుందా అని అభిమానులు ఆలోచనలో పడుతున్నారు. అయినా లారెన్స్ చిత్రాలు 'ముని,పార్ధు' ప్రేక్షకులను పరార్ చేసాయి కదా అయినా అతన్ని దర్శకత్వంలో చరణ్ యేంటి అంటున్నారు.

అదే ప్రశ్నను లారెన్స్ ముందుంచితే...నీ దర్శకత్వంలో వచ్చిన 'మాస్' మంచి హిట్ కదా...'డాన్' ఢమాల్ అందేమిటి అంటే అదేం లేదు...నాగార్జనతో మాస్ మొదటి సినిమా కాబట్టి ...కమర్షయల్ అంశాలున్నాయి గాబట్టి గొప్ప హిట్టయింది. అదే డాన్ సినిమాకు కథ కన్నా కథనానికి, కమర్షయాలిటీకి ఎక్కువ ప్రాధాన్యత ఇచ్చాం...హిందీ సినిమాలాగా స్టైల్ గా తీద్దామనుకున్నాం తీసాం. అలాగే మేం ఊహించినట్లుగానే బ్రహ్మాండమైన ప్రేక్షకాదరణ లభించింది. అంతే కాదు..హిందీలోకి అనువదించాం ...అక్కడా అద్బుతాదరణ లభించింది అంటూ వివరించాడు. అందుకే నాగార్జున తో మరో సినిమా చేయబోతున్నానని చెప్తున్నాడు. అలాగే తను సోలో హీరోగా చేసిన 'పార్ధు' ...లో టైటిల్స్ లో వచ్చే సాడ్ సాంగ్ ప్రేక్షకులకు బాగా పట్టిందని మురిసిపోతున్నాడు. కొత్త ఆఫర్స్ ,రిలీజైన సినిమాలు సంగతి ఎలా ఉన్నా హైపు కబుర్లు చెప్పటం బాగా అలవాటయ్యిందంటున్నారు ఇది విన్నవారు.

More from Filmibeat