బ్రిటిష్ మోడల్‌తో రామ్ చరణ్ సరసాలు పండేనా?

By Bojja Kumar

Published: Friday, January 20, 2012, 14:12 [IST]

మెగా పవర్ స్టార్ రామ్ చరణ్ తేజ, దర్శకుడు వంశీ పైడిపల్లి కాంబినేషన్లో 'ఎవడు' అనే చిత్రం రూపొందనున్న విషయం తెలిసిందే. శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు ఈ చిత్రాన్ని నిర్మిస్తున్నారు. దేవిశ్రీ ప్రసాద్ సంగీతం అందిస్తున్నాడు. గత కొన్ని రోజుల క్రితమే ఈ సినిమా షూటింగ్ మెగా స్టార్ కుటుంబ సభ్యుల చేతుల మీదుగా చిత్ర ప్రారంభోత్సవం జరిగింది. ఈ చిత్రంలో సమంతను లీడ్ హీరోయిన్ గా ఎంపిక చేశారు. స్టైలిష్ స్టార్ అల్లు అర్జున్ ఈ చిత్రంలో అతిథి పాత్రలో కనిపించనున్నాడు.

ఇందులో సమంతతో పాటు సెకండ్ హీరోయిన్‌గా బ్రిటిష్ మోడల్ అమీ జాక్సన్‌ను కూడా ఎంపిక చేశారు. 'మద్రాసు పట్టణం' అనే సినిమా ద్వారా భారతీయ సినీ పరిశ్రమకు పరిచయమైన ఈ బ్రిటిష్ మోడల్, ఆతర్వాత 'ఏక్ దివానాథా' అనే హిందీ చిత్రంతో పాటు, తాండవం అనే తమిళ చిత్రంలో కూడా అవకాశం దక్కించుంది. రామ్ చరణ్ 'ఎవడు' సినిమా ఆమెకు తొలి తెలుగు సినిమా కాబోతోంది.

అసలే కత్తిలాంటి కుర్రోడు మన రామ్ చరణ్ తేజ. ఆవిడేమో పిటపిటలాడే బ్రిటిష్ మోడల్. ఇద్దరు కలిస్తే తెరపై హాట్ అండ్ స్పైసీ గా రొమాన్స్ పండటం ఖాయం అంటూ ఆ ఇద్దరిని కలల్లో ఊహించుకుంటున్నారు అభిమానులు. మరి తెరపై ఈ ఇద్దరి రొమాన్స్ ఏ రేంజ్ లో పండుతాయో సినిమా విడుదలైతేగానీ తెలీదు. ఏది ఏమైనా....ఎంతో మంది భామలకు లైఫ్ ఇచ్చిన తెలుగు సినీ పరిశ్రమ అమ్మీ జాక్స్‌న్‌కు ఇస్తుందని బెస్ట్ ఆఫ్ లక్ చెబుదాం.

More from Filmibeat