బాలీవుడ్ చిత్రంలో సత్తా చూపనున్న రామ్ చరణ్ తేజ్

రామ్ చరణ్ తేజ్ త్వరలో హఫీజ్ అనే టైటిల్ తో నిర్మాణమయ్యే బాలీవుడ్ చిత్రంలో కనిపించనున్నారని సమాచారం. ఈ మేరకు ముంబయి పత్రికల్లో వార్తలు వస్తున్నాయి. ఫర్హాన్ అక్తర్ ఈ మధ్య లేటెస్ట్ గా మగధీర చిత్రం చూసి తాను నిర్మించబోయే చిత్రంలో హీరోగా తీసుకోవటానికి నిర్ణయించుకున్నాడని చెప్తున్నారు. అయితే ఈ చిత్రం చూడమని రికమెండ్ చేసింది అభిషేక్ కపూర్ అనే యాడ్ ఫిలిం మేకర్. అతను ధీపికా పడుకోని తో కలిసి రామ్ చరణ్ తో ఈ మద్యన జోరున్న పెప్సీ అనే యాడ్ ఫిలిం తీసారు. ఆ పరిచయాన్ని పురస్కరించుకుని ఈ విధంగా రామ్ చరణ్ ని బాలీవుడ్ లో ప్రమోట్ చేసాడని చెప్తున్నారు. ఇక ఈ ప్రాజెక్టు ఓకే అయితే రామ్ చరణ్ సరసన దీపికాని తీసుకునే అవకాశం ఉందంటున్నారు. ప్రస్తుతం రామ్ చరణ్ తేజ్..బొమ్మరిల్లు భాస్కర్ దర్శకత్వంలో ఆరెంజ్ అనే చిత్రంలో చేస్తున్నాడు. అతని సరసన జెనీలియా చేస్తోంది.