Don't Miss!
- Lifestyle May Day 2024 Wishes : శ్రామికులు లేనిదే అభివృద్ధి లేదు.. శ్రామికుల దినోత్సవ శుభాకాంక్షలు
- Finance Gold Rate: పిచ్చెక్కిస్తున్న పసిడి ధరలు.. నేడు మళ్లీ పెరుగుదల.. రూ.4,900 అప్..
- Sports ధోనీకి కోపం వచ్చింది.. భయపడిన కెమెరామెన్ Video
- News కేసీఆర్ తో టచ్ లో ఉన్న కాంగ్రెస్ ముఖ్యులెవరు..!!
- Automobiles ట్రాఫిక్లో ఉన్నప్పుడు ఈ పొరపాట్లు చేశారో.. ప్రమాదాన్ని కొని తెచ్చుకున్నట్లే.!!
- Technology Nokia 225 4G 2024 మోడల్ ధర, స్పెసిఫికేషన్లు మరియు డిజైన్ లీక్! వివరాలు
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
మరోసారి రామ్ చరణ్ పోలీసాఫీసర్ అవతారం
హైదరాబాద్: మెగా పవర్ స్టార్ రామ్ చరణ్ మరోసారి తెరపై పోలీసాఫీసర్ పాత్రలో కనిపించబోతున్నారు. 'గోవిందుడు అందరి వాడేలే' తర్వాత రామ్ చరణ్ సినిమా ఇంకా ఖరారు కానప్పటికీ....వచ్చే ఏడాది గౌతం మీనన్ దర్శకత్వంలో ఓ సినిమా చేయనున్నట్లు ఆ మధ్య ప్రకటించిన సంగతి తెలిసిందే.
ఘర్షణ, ఏమాయ చేసావె, ఎటో వెళ్లి పోయింది మనసు చిత్రాల ద్వారా గౌతం మీనన్ తెలుగు ప్రేక్షకులకు సుపరిచితమే. వాస్తవికత ఉట్టిపడేలా, వైవిద్యంగా సినిమాలు తీయడం గౌతం మీనన్ స్టైల్. ఆయన దర్శకత్వంలో రామ్ చరణ్ తమిళ సినిమా చేస్తుండటంపై ఫ్యాన్స్ సంతోషం వ్యక్తం చేస్తున్నారు. ఈచిత్రాన్ని తెలుగులో కూడా విడుదల చేయనున్నారు.
తాజాగా ఈచిత్రానికి సంబంధించని కొన్ని విషయాలు లీక్ అయ్యాయి. ఇప్పటికే స్క్రిప్టు వర్క్ జరుగుతున్నట్టు చెబుతున్నారు. ఈ సినిమాలో చరణ్ పోలీసాఫీసర్ గా నటిస్తాడట. అందుకే, ఇటీవల తన హెయిర్ స్టయిల్ ని ఈ హీరో అందుకు తగ్గట్టుగా మార్చుకున్నాడని అంటున్నారు. సినిమాకు సంబంధించిన పూర్తి వివరాలు త్వరలో తెలియనున్నాయి.
రామ్ చరణ్ తర్వాతి సినిమాల విషయానికొస్తే... ఆయన ప్రస్తుతం ఖాళీగా ఉన్నారు. కథలు వింటున్నారు. శ్రీను వైట్లతో అనుకున్నప్పటికీ వివిధ కారణాలతో ఆ ప్రాజెక్టు అటెక్కింది. మరో వైపు బోయపాటి స్టోరీ కూడా విన్నట్లు సమాచారం. త్వరలో బోయపాటితోగానీ, సుకుమార్తో గానీ సినిమా ప్రకటించే అవకాశం ఉంది.