జీవనం మానాన్న, జీవితం మీరిచ్చారంటూ...చరణ్

By Bojja Kumar

Published: Saturday, January 21, 2012, 16:50 [IST]

మెగా పవన్ స్టార్ రామ్ చరణ్ తేజ్ సంపత్ నంది దర్శకత్వంలో 'రచ్చ' సినిమా చేస్తున్న సంగతి తెలిసిందే. ప్రస్తుతం ఈ చిత్రం షూటింగ్ చెన్నయ్ లో జరుగుతోంది. ఇక్కడ రచ్చ టైటిల్ సాంగ్ చిత్రీకరిస్తున్నారు. దీంతో రచ్చ టైటిల్ సాంగ్ లిరిక్స్ బయటకు లీక్ అయ్యాయి. ''జీవనం మానాన్నిచ్చాడు...జీవితం మీరిచ్చారు...నాకెవరూ పోటీ లేరు...రచ్చ రచ్చ రచ్చ'' అంటూ ఈ పాట సాగుతోంది. ఇతర పాటల గురించి యూనిట్ సభ్యులు వివరిస్తూ చిరంజీవి సూపర్ హిట్ సాంగ్ 'వాన వాన వెల్లువాయె' పాటను కూడా ఈ చిత్రంలో రీమక్స్ చేస్తున్నారు, మణిశర్మ అద్భుతమైన ట్యూన్స్ అందించారని చెబుతున్నారు.

'రచ్చ' సినిమాలో మిల్కీ బ్యూటీ తమన్నా హీరోయిన్ గా నటిస్తోంది. పూర్తి కమర్షియ్ ఎంటర్ టైన్మెంట్ ఎలిమెంట్స్ తో రూపొందుతున్న ఈ చిత్రం యాక్షన్స్ సీన్స్ ప్రధానంగా కనిపించనున్నాయి. కేవలం యాక్షన్ సీన్ల కోసమే రూ. 2 కోట్లకు పైగా ఖర్చు చేశారు. మార్చి లేదా ఏప్రిల్‌లో విడుదల చేసేందుకు సన్నాహాలు చేస్తున్నారు. ఈ చిత్రం తర్వాత రామ్ చరణ్ వంశీ పైడిపల్లి దర్శకత్వంలో 'ఎవడు' చిత్రంలో నటించనున్నాడు. ఈ చిత్రంలో చరణ్ సరసన సమంత, బ్రిటిష్ మోడల్ అమీ జాక్సన్ నటించనున్నారు.

More from Filmibeat