‘రచ్చ’ ఆడియో సాంగ్స్ ట్రాక్ లిస్ట్

మెగా పవర్ స్టార్ రామ్ చరణ్ తేజ్ త్వరలో 'రచ్చ' చిత్రం ద్వారా ప్రేక్షకుల ముందుకు వస్తున్న సంగతి తెలిసిందే. సంపత్ నంది దర్శకత్వం వహిస్తున్న ఈ చిత్రంలో చెర్రీ సరసన తమన్నా నటిస్తోంది. మెగా సూపర్ గుడ్ ఫిలింస్ బ్యానర్‌పై ఎన్.వి.ప్రసాద్, పరాస్ జైన్ ఈ చిత్రాన్ని రూపొందిస్తున్నారు. ఆరెంజ్ సినిమా తర్వాత రామ్ చరణ్ చాలా గ్యాప్ తీసుకున్న నేపథ్యంలో అభిమానులు ఈ హీరో సినిమా ఎప్పుడు వస్తుందా అని ఆతృతగా ఎదురు చూస్తున్నారు. బయటకు రిలీజైన 'రచ్చ' సినిమా స్టిల్స్ అద్భుతంగా, ఆకర్షణీయంగా ఉండటంతో సినిమాపై అంచనాలు మరింత పెరిగాయి.

ఇక పోతే..'రచ్చ' ఆడియోను ఈ నెల 11న విడుదల చేసేందుకు ఏర్పాట్లు చేస్తున్నారు. ఈ నెల చివరి వారంలోగానీ, ఏప్రిల్ తొలి వారంలోగానీ సినిమా విడుదల చేసే అవకాశం ఉంది. ప్రముఖ సంగీత దర్శకుడు మణి శర్మ ఈ చిత్రానికి బాణీలు సమకూర్చారు. మొత్తం 5 పాటలను కంపోజ్ చేశారు. ఆడియో ట్రాక్ లిస్టు క్రింది విధంగా ఉంది.

ఆడియో ట్రాక్ లిస్టు వివరాలు

1) వాన వాన రీమిక్స్
2) రచ్చ టైటిల్ సాంగ్
3) దిల్లకు దిల్లకు
4) ఒక పదం
5) సింగరేణి ఉంది