మే నెలకు వాయిదా పడిన రామ్ చరణ్ 'రచ్చ' .!?

ఆరెంజ్ సినిమా తర్వాత మెగా పవర్ స్టార్ రామ్ చరణ్ హీరోగా సంపత్ నంది దర్శకత్వంలో సూపర్ గుడ్ ఫిల్మ్స్ నిర్మించతలపెట్టిన చిత్రం 'రచ్చ'. ఈ చిత్రానికి సంబందించిన షూటింగ్ కార్యక్రమాలు ఏప్రిల్ 25 నుండి ప్రారంభం కావలసి ఉంది. కానీ సినిమా కార్మికులు నిర్వహిస్తున్న సమ్మె కారణంగా మే నెలలో షూటింగ్ మొదలుపెట్టే విధంగా ప్రణాళికలో మార్పులు చేసుకున్నారు.

ఈ చిత్రం ప్రీ ప్రొడక్షన్ పనులు పూర్తిచేసుకుని షూటింగ్ కు సిద్దంగా ఉంది. సమ్మె ఆగిపోగానే ప్రారంభతేది తెలియజేస్తారు. పూర్తిస్థాయి యాక్షన్ చిత్రంగా రూపుదిద్దుకోనున్న ఈ చిత్రంకోసం రామ్ చరణ్ మియామి, అమెరికలో మార్షల్ ఆర్ట్స్ లో ప్రత్యేక శిక్షణ తీసుకున్నాడు. తమన్నా రామ్ చరణ్ తో జోడికడుతున్న ఈ సినిమాను ఒకే ఒక షెడ్యూల్ లో పూర్తిచేయనున్నట్లు సమాచారం. దేవి శ్రీ ప్రసాద్ రచ్చ సినిమాకు సంగీతాన్ని అందిస్తున్నాడు.