ఆ డైరక్టర్ తోనూ..రామ్ చరణ్?

రామ్ చరణ్ తేజ తన నాలుగో చిత్రానికి లారెన్స్ కధ ఓకే చేసినట్లు సమాచారం. మాస్ సినిమాతో రికార్డులు సృష్ఠించిన లారెన్స్ ఆ తర్వాత స్టైల్, డాన్ చిత్రాలు పెద్దగా వర్కవుట్ కాకపోవటంతో వెనుకపడ్డారు. అలాగే తన స్వీయ దర్శకత్వంలో తమిళ, తెలుగు భాషల్లో హీరోగా చేసిన సినిమాలు సైతం చీదేశాయి. దాంతో ఈ సారి పట్టుదలగా ఒకే ఒక్క సినిమా రిలీజైనా విపరీతమైన క్రేజ్ సంపాదించుకున్న రామ్ చరణ్ ని టార్గెట్ చేసి కథ తయారు చేసి ఒప్పించుకున్నాడు. మెగా సూపర్ గుడ్ ఫిలింస్ పతాకంపై చిరంజీవికి సన్నిహితుడైన ఎన్.వి.ప్రసాద్ ఈ చిత్రాన్ని నిర్మిస్తున్నాడు.

అలాగే చిరంజీవితో లారెన్స్ కున్న పరిచయం, అనుబంధం ఈ సినిమా ఫిక్స్ అవటానికి దోహదపడ్డాయని వినపడుతోంది. ఇక రామ్ చరణ్ మూడో సినిమాని అంజనా ప్రొడక్షన్స్ వారు బొమ్మరిల్లు భాస్కర్ దర్శకత్వంలో నిర్మించనున్నారు. ఈ చిత్రం జూలైలో ప్రారంభమయ్యే అవకాశం ఉంది. లారెన్స్ సినిమా ఆగస్టు రెండవవారంలో ప్రారంభం కావచ్చు. ప్రస్తుతం రామ్ చరణ్..రాజమౌళి దర్శకత్వంలో ప్రతిష్టాత్మకంగా తయారవుతున్న మగధీర డబ్బింగ్ పనుల్లో బిజీగా ఉన్నారు.