చెడ్డీలేసుకునే వయసులో రామ్ చరణ్ (ఫోటోలు)

By Bojja Kumar

Updated: Saturday, July 4, 2015, 11:41 [IST]

హైదరాబాద్: మెగాస్టార్ చిరంజీవి వారసుడు కావడంతో సినీ రంగంలో అడుగు పెట్టడం రామ్ చరణ్ పెద్ద కష్టమేమీ కాలేదు. వచ్చింది వారసత్వంలో అయినా....అనతి కాలంలోనే తనదైన టాలెంటుతో తండ్రికి తగ్గ తనయుడిగా పేరు తెచ్చుకున్నాడు చరణ్. చేసిన తక్కువ సినిమాలతోనే టాలీవుడ్ టాప్ హీరోల సరసన చేరుకున్నాడు.

27 మార్చి, 1985లో జన్మించిన రామ్ చరణ్ 2007లో పూరి జగన్నాథ్ దర్శకత్వంలో వచ్చిన 'చిరుత' చిత్రంతో రామ్ చరణ్ తెరంగ్రేటం చేసాడు. తొలి సినిమాతోనే పెర్ఫార్మెన్స్ పరంగా ప్రశంసలు అందుకున్నాడు చరణ్.

చిరుత చిత్రం తర్వాత రామ్ చరణ్ నటించిన చిత్రం 'మగధీర'. రాజమౌళి దర్శకత్వంలో వచ్చిన ఈ చిత్రం తెలుగు సినిమా చరిత్రను తిరగరాసింది. ఈ చిత్రంలో రామ్ చరణ్ పెర్ఫార్మెన్స్ అద్భుతం. దీంతో రామ్ చరణ్ ఇమేజ్ తారా స్థాయికి చేరుకుంది. అనంతరం చేసిన 'ఆరెంజ్' చిత్రం నిరాశ పరిచినా.....రచ్చ, నాయక్, ఎవడు లాంటి వరుస విజయాలతో చరణ్ మళ్లీ ఫాంలోకి వచ్చాడు.