హోమ్

న్యూస్

ప్రముఖ తమిళ దర్శకుడు ఎ.ఆర్.మురుగదాస్ నిర్మిస్తున్న తాజా చిత్రం '7 ఏం అరివు'. సూర్య, శృతి హాసన్ జంటగా నటిస్తున్న ఈ చిత్రాన్ని 'సెవెంత్ సెన్స్' పేరుతో లక్ష్మీ గణపతి ఫిలిమ్స్ తెలుగులోకి అనువదిస్తోంది. ఎనిమిది నెలలు రీసర్చ్ చేసి మరీ ఈ చిత్ర కథ తయారుచేశాననీ, గతంలో తాను రూపొందించిన గజనీ సినిమా కన్నా ఇది నాలుగైదు రెట్లు బాగుంటుందనీ యూనిట్ సభ్యలు సమాచారం. కాగా నిన్న సాయంత్రం సెవెంత్ సెన్స్ ఆడియో కార్యక్రమం హైదరాబాదులోని వెస్ట్రన్ హోటల్ లో ఘనంగా జరిగింది. ఈ కార్యక్రమానికి రామ్ చరణ్ తేజ్ ముఖ్య అతిథి గా విచ్చేశారు, ఇంకా రాజమౌళి, సూర్య, శృతి హాసన్, అల్లు అర్జున్, అల్లు అరవింద్ అంబికా కష్ణ మొదలగు వారు ముఖ్య అతిథులు గా విచ్చేశారు.

ఈమధ్య రామ్ చరణ్ తేజా ఏ సినిమా ఫంక్షన్ కి వెళ్లినా అక్కడి దర్శకులని తెగ పొగిడేస్తున్నాడు. వాళ్లతో తనకూ ఓ సినిమా చేయాలని ఉందంటూ కొసమెరుపు కూడా ఇస్తున్నాడు. నిన్న కూడా అలాగే 'సెవెంత్ సెన్స్' డబ్బింగ్ సినిమా ఆడియో ఫంక్షన్లో ఆ సినిమా దర్శకుడు మురుగదాస్ ని ఆకాశానికి ఎత్తేశాడు. 'ప్రతి హీరో మీ దర్శకత్వంలో చేయాలని కోరుకుంటాడు. నేనూ అలాగే కోరుకుంటున్నాను. ప్లీజ్... నాతో ఓ సినిమా చేయండి..." అంటూ మురుగదాస్ ని చరణ్ రిక్వెస్ట్ చేశాడు.

అయ్యప్ప దీక్షలో వున్న చరణ్ ఈ వేడుకకు ముఖ్య అతిధిగా వచ్చి, ఆడియోను రిలీజ్ చేశాడు. హైదరాబాదులో ఈ (శుక్రవారం) సాయంకాలం జరిగిన ఈ కార్యక్రమంలో ఇంకా చిత్ర హీరో హీరోయిన్లు సూర్య, శృతి హాసన్, సంగీత దర్శకుడు హేరిస్ జైరాజ్, కార్తీ, అల్లు అర్జున్, శర్వానంద్ తదితరులు పాల్గొన్నారు. 'సిజ్లింగ్' ఉదయభాను ఈ వేడుకకు వ్యాఖ్యాతగా వ్యవహరించింది.