హోమ్

న్యూస్

నిన్న రాత్రి రాజకీయ, సినీ ప్రముఖుల, బంధుమిత్రుల ఆశీస్సుల నడుమ... అంగరంగ వైభవంగా... కన్నుల పండువగా జరిగిన వేడుకలో తన కాబోయే జీవిత భాగస్వామి ఉపాసన చేతికి ఉంగరాన్ని తొడిగి, వివాహ నిశ్చితార్ధం జరుపుకున్న హీరో రామ్ చరణ్ తేజా, ఈ రోజు రాత్రి తన స్నేహితులకు బ్యాచులర్స్ పార్టీ ఇస్తున్నాడు. ఈ వేడుకను సముద్రపు ఒడ్డున వున్న సుందర నగరం గోవాలో ఏర్పాటు చేస్తున్నాడు.

ఈ పార్టీ కూడా 'భారీ'గానే మెగా స్థాయికి తగ్గట్టుగానే ఉంటుందని తెలుస్తోంది. రానా, అల్లు అర్జున్, శర్వానంద్, అల్లరి నరేష్, నవదీప్, తమన్నా, త్రిష వంటి సినీ మిత్రులు, చిన్ననాటి మిత్రులూ ఈ పార్టీలో పాల్గొంటారు. ఈ పార్టీ రెండు రోజుల పాటు ఉంటుందని అంటున్నారు. ఇందు కోసం చరణ్, ఉపాసన ఇప్పటికే గోవా బయలుదేరారు.

ప్రస్తుతం రామ్ చరణ్ రచ్చ చిత్రికరణలో బిజీగా ఉన్నారు. ఆ తరువాతే వివాహ ముహూర్తాన్ని ఖరారు చేస్తారని సమాచారం. పిభ్రవరి చివరిలోగానీ మార్చిలోగాని ముహుర్తం కుదిరే అవకాశం ఉంది.