Don't Miss!
- News నామినేషన్ల పర్వంలో టీడీపీకి ఊహించని షాక్
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
వీడియో వైరల్ : ఆమె రామ్ చరణ్ కూతురట.. ఓ రేంజ్లో ఆడుకుంటోన్న నెటిజన్స్
రామ్ చరణ్-ఉపాసనలకు వారసుడు పుట్టాలని, ఇంకా ఎప్పుడు బుల్లి రామ్ చరణ్ను చూస్తామని కొన్ని కోట్ల మంది అభిమానులు కళ్లు కాయలు కాచేలా ఎదురుచూస్తున్నారు. అలాంటిది రామ్ చరణ్ కూతురు అంటూ ఓ ప్రముఖ మూవీ మ్యాగజైన్ ప్రచురిస్తే ఫ్యాన్స్ అందరూ రియాక్ట్ కాకుండా ఉంటారా? ఫ్యాన్స్తో పాటు నెటిజన్లు కూడా తిట్టిన తిట్టు తిట్టకుండా తిడుతున్నారు. కనీసం ఏమీ తెలియకుండా ఎలా రాస్తారంటూ మండిపడుతున్నారు. ఇంతకీ అసలు ఏం జరిగిందో ఓసారి చూద్దాం.
మెగా ఇంట్లో నవిష్క..
చిరు చిన్న కూతురు శ్రీజ, కళ్యాణ్ దేవ్లకు పుట్టిన పాప నవిష్క. నవిష్క ఎంట్రీతో మెగా ఇంట్లో సందడి మరింత రెట్టింపైంది. నవిష్కకు సోషల్ మీడియాలో భారీగా పాపులారిటీ వచ్చేసింది. నవిష్క బారసలకు పవన్ భార్య, మెగా ఫ్యామిలీ అందరూ హాజరవడం, వాటి ఫోటోలు సోషల్ మీడియాలో వైరల్ అవ్వడం అందరికీ తెలిసిందే.
నవిష్కతో చిరు సందడి..
ఆ మధ్య లాక్ డౌన్ కాలంలో చిరు నవిష్కతో సందడి చేశారు. నవిష్క తన తాత పాటలను ఏవిధంగా ఆస్వాధిస్తుందో అందరికీ చూపించాడు చిరు. ఖైదీ నెంబర్ 150 పాటలను ప్లే చేస్తే నవిష్క ఎంత సంతోషంగా ఉందో చూపించాడు. ఆ పాటలను ఆపేస్తే నవిష్క ఏడ్వడం, మళ్లీ పెడితే ఆనందంగా గంతులు వేయడం మనమంతా చూశాం.
ముద్దుల మామయ్య..
తాజాగా నవిష్క తన ముద్దుల మావయ్యతో కలిసి స్టెప్పులు వేసింది. మామ రామ్ చరణ్ ఆధ్వర్యంలో నవిష్క క్యూట్ స్టెప్పులు వేస్తోంది. వీటికి సంబంధించిన వీడియోను రామ్ చరణ్ సోషల్ మీడియాలో షేర్ చేయగా.. నేటి ఉదయం నుంచి తెగ చక్కర్లు కొడుతోంది. అయితే ఈ వీడియోపై ఫిల్మ్ ఫేర్ అనే సంస్థ తన ట్విట్టర్లో ఓ పోస్ట్ చేసింది.
రామ్ చరణ్ కూతురు నవిష్క..
రామ్ చరణ్ కూతురు నవిష్క అంటూ సదరు సంస్థ ట్విట్టర్లో పేర్కొంది. తన కూతురితో కలిసి డ్యాన్స్ చేస్తున్న వీడియోను షేర్ చేశాడని తెలిపింది. దీంతో సదరు సంస్థపై నెటిజన్స్ ఫైర్ అవుతున్నారు. ఇక ఈ వీడియో కంటే ఆ సంస్థ చేసిన ట్వీట్ మరింత రచ్చగా మారింది.
నెటిజన్స్ ఫైర్..
మామ అయిన రామ్ చరణ్ను.. నవిష్కకు తండ్రిగా రాయడంపై నెటిజన్స్ ఫైర్ అవుతున్నారు. కనీస విషయాలు, బంధుత్వాలు కూడా తెలుసుకోకుండా ఎలా రాస్తారంటూ ఆగ్రహం వ్యక్తం చేస్తున్నారు. తెలియక పోతే ఇలాంటి పనులు చేయకూడదని, మీమ్స్తో నానా రచ్చ చేస్తున్నారు.