Don't Miss!
- Sports Gautam Gambhir: నిద్రలో కూడా ఆర్సీబీనే కలవరిస్తా..! వీడియో
- News టెలికాం శాఖ పేరుతో కాల్స్ వస్తున్నాయా?: జాగ్రత్తగా ఉండాలన్న కేంద్రం
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
రామ్ చరణ్ ‘తుఫాన్, జంజీర్’ రైట్స్ రూ. 50 కోట్లు
హైదరాబాద్ : మెగా పవర్ స్టార్ రామ్ చరణ్ బాలీవుడ్ మూవీ జంజీర్ పై అంచనాలు రోజు రోజుకు పెరుగుతున్నాయి. అపూర్వ లఖియా దర్శకత్వంలో రూపొందుతున్న ఈచిత్రంలో రామ్ చరణ్ సరసన ప్రియాంక చోప్రా హీరోయిన్. ఈ చిత్రం తెలుగులో 'తుఫాన్' పేరుతో విడుదల కానుంది. ఇటీవల విడుదలైన తుఫాన్ ట్రైలర్ కు టెర్రిఫిక్ రెస్పాన్స్ రావడంతో....తెలుగు వెర్షన్ 'తుఫాన్' ఆలిండియా డిస్ట్రిబ్యూషన్ రైట్స్, హిందీ వెర్షన్ 'జంజీర్' నైజాం రైట్స్ కలిసి భారీ మొత్తానికి అమ్మడయ్యాయి.
ఫిల్మ్ నగర్ నుంచి అందిన సమాచారం ప్రకారం ఓ ప్రముఖ డిస్ట్రిబ్యూషన్ హౌస్ రూ. 50 కోట్లు వెచ్చించి ఈ రైట్స్ కొనుగోలు చేసినట్లు తెలుస్తోంది. తెలుగులో రామ్ చరణ్ సినిమాలకు మంచి మార్కెట్ ఉండటం, నైజాం ఏరియా పరిధిలో మహారాష్ట్రలోని మట్వాడా, ఔరంగబాద్, షోలాపూర్ లాంటి ప్రదేశాలు ఉండటంతో జంజీర్ హిందీ రైట్స్తో కలిసి కొనుగోలు చేసినట్లు తెలుస్తోంది.
రామ్ చరణ్ గత సినిమాల మార్కెట్ పరిశీలిస్తే...రచ్చ సినిమా రూ. 40 కోట్లు, నాయక్ చిత్రం రూ. 43 కోట్లు అమ్మడయి మంచి మార్కెట్ వసూళ్లను సాధించాయి. తాజాగా 'తుఫాన్' చిత్రం రూ. 50 కోట్లకు అమ్ముడవడంతో రామ్ చరణ్ సినిమాల మార్కెట్ శరవేగంగా పుంజుకుంటోందని చెప్పవచ్చు.
తెలుగు వెర్షన్ 'తుఫాన్' చిత్రాన్ని మొత్తం 1000కి పైగా థియేటర్లలో విడుదల చేయడానికి ప్లాన్ చేస్తున్నారు. అదే విధంగా హిందీ వెర్షన్ను 200 థియేటర్లలో విడుదల చేయడానికి ఏర్పాట్లు చేస్తున్నారు. మొత్తం జంజీర్/తుఫాన్ చిత్రం రామ్ చరణ్ కెరీర్లో ఓ సరికొత్త అధ్యాయానికి తెరతీయడం ఖాయంగా కనిపిస్తోంది.