రామ్ గోపాల్ వర్మ మరో సంచలనం: కేసీఆర్ బయోపిక్... టైటిల్ ఏంటో తెలుసా?

టైగర్ కేసీఆర్

‘టైగర్ కేసీఆర్' పేరుతో ఈ చిత్రం రాబోతోంది. ‘ది అగ్రెసివ్ గాంధీ అనేది' సబ్ క్యాప్షన్. తెలంగాణ కోసం కేసీఆర్ చేసిన పోరాటం నేపథ్యంలో ఈ చిత్రం ఉంటుందని తెలుస్తోంది. ‘ఆడు తెలంగాణ తెస్తనంటే అందరూ నవ్విండ్రు' అంటూ టైటిల్ పోస్టర్ మీద పేర్కొనడం ద్వారా ఈ సినిమా ఎలా ఉండబోతోంది అనేది చెప్పకనే చెప్పారు ఆర్జీవీ.

తెలంగాణ ప్రజలకు థర్డ్ క్లాస్ ట్రీట్మెంట్ భరించలేక

ఈ సినిమా కేటీఆర్ ఫాదర్ బయోపిక్. ఆంధ్రా వారు తెలంగాణ వారికి థర్డ్ క్లాస్ ట్రీట్మెంట్ ఇవ్వడాన్ని భరించలేక పోయిన ఆయన ఎలా పోరాటం చేశారు, తెలంగాణ ఎలా సాధించారు అనే కాన్సెప్టుతో ఈ చిత్రం ఉంటుందని వర్మ తెలిపారు.

ఇందులో కూడా చంద్రబాబు పాత్ర ఉంటుందా?

కేసీఆర్ బయోపిక్ అంటే అందులో చంద్రబాబు పాత్ర కూడా ఉంటుందనే అభిప్రాయాలు వ్యక్తం అవుతున్నాయి. 1999లో చంద్రబాబు తన మంత్రి వర్గంలో స్థానం కల్పించక పోవడంతో తెలంగాణ వారికి అన్యాయం జరుగుతుందనే అసంతృప్తితో కేసీఆర్ టీడీపీ నుంచి బయటకు వచ్చి 2001లో ప్రత్యేక రాష్ట్ర నినాదంతో టీఆర్ఎస్ పార్టీని స్థాపించిన సంగతి తెలిసిందే.

త్వరలో పూర్తి వివరాలు

ఈ చిత్రంలో కేసీఆర్ పాత్రలో ఎవరు నటిస్తారు? ఇతర వివరాలు ఏమిటి అనేది త్వరలో రామ్ గోపాల్ వర్మ వెల్లడించనున్నారు. మరి ఈ సినిమాపై కేసీఆర్, కేటీఆర్, టీఆర్ఎస్ వర్గాలు ఎలా స్పందించబోతున్నారో చూడాలి.