హోమ్

న్యూస్

నిజ జీవిత సంఘటనలు ఆధారంగా చిత్రాలు చేసే రామ్ గోపాల్ వర్మని తాజాగా నిత్యానంద స్కామ్ ఆకర్షించింది. గాడ్ అండ్ సెక్స్ టైటిల్ తో ఓ చిత్రం ఆయన ప్లాన్ చేస్తున్నట్లు సమాచారం. ఈ విషయాన్ని ఆయన కన్ఫర్మ్ చేస్తూ...అవును, నేను గాడ్ అండ్ సెక్స్ చిత్రాన్ని చేస్తున్నాను. రీసెంట్ గా బయిటపడ్డ ఓ సెక్స్ స్కాండిల్ ఆధారంగా చిత్రం చేస్తున్నాను. ఇలాంటి ఆలోచన నాలో చాలా కాలంగా ఉంది. అయితే స్వామి నిత్యానంద బయోపిక్ మాత్రం ఇది కాదు అని చెప్పారు. ఇక ఈ చిత్రం గురించి ఆయన మరింత విస్తారంగా మాట్లాడుతూ...గాడ్ అండ్ సెక్స్ ఓ ఎక్సప్లోర్, ఎక్సపోజ్ అంతేకాకుండా ఆశ్రమాల్లో ఉండే వ్యక్తులు గురించి చెప్తుంది అన్నారు.

అలాగే నేను ఇలాంటి చాలా స్కాండిల్స్ ని గతం కొంత కాలంగా గమనిస్తున్నాను. ఆ అంశాలే ఈ చిత్రంలో చోటు చేసుకుంటాయి అని ఓ ప్రశ్నకు సమాధానంగా చెప్పారు. ఇక ఈ చిత్రంలో ఎవరిని నటీనటులుగా తీసుకుంటారు అన్నదానికి వర్మ సమాధానమిస్తూ..అది కాస్ట కష్టమైన ప్రశ్న. మొదట నన్ను ఈ స్క్రిప్టు పూర్తి చేయనివ్వండి. ఆ తర్వాత నటుల ఎంపిక,సాంకేతిక నిపుణులు ని ఎప్రోచ్ అవటం చేస్తాను అన్నారు. ఇక రామ్ గోపాల్ వర్మ తాజా చిత్రం ఆవాహం త్వరలో రిలీజ్ కానుంది. అలాగే ఆయన ప్రస్తుతం రక్త చరిత్ర సెకెండ్ పార్ట్ షూటింగ్ లో బిజీగా ఉన్నారు.