హోమ్

న్యూస్

జర్నలిస్టులు ఈ గొడవకు అంతా కారణమని రామ్ గోపాల్ వర్మ తేల్చి చెప్పారు. అమితా బచ్చన్ కుటుంబంతో తనకు విభేధాలు తలెత్తినట్లు వచ్చిన విషయంపై ఆయన ఇలా స్పందిస్తూ ఖండించారు. ఎప్పుడూ ఏదో వివాదంలో ఉండే వర్మ రీసెంట్ గా దమ్ మారో దమ్ చిత్రంలో అభిషేక్ బచ్చన్ నటనపై కొన్ని కామెంట్స్ చేసారు. అంతేగాక తన కొత్త చిత్రం 'డిపార్ట్‌మెంట్‌'లో అభిషేక్ ప్లేసులో రానా ని తీసుకుంటానని అన్నారు. వీటినన్నిటినీ వర్మ పూర్తిగా ఖండించారు. తాను బచ్చన్‌ కుటుంబానికి గొప్ప గౌరవం ఇస్తానని, అభిషేక్‌ అంటే తనకు ప్రేమాభిమానాలున్నాయని అయితే డేట్ల సమస్య ఉత్పన్నమైనందువల్ల కొన్ని మార్పులు చేయాల్సి వచ్చిందని చెప్పారు. బ్లాగ్‌లో ఆయన వివరణను ఇచ్చారు. తనకు బచ్చన్‌ కుటుంబానికి మధ్య స్పర్ధలు సృష్టించేందుకు మీడియా ప్రయత్నిస్తోందని ఆయన ఆరోపించారు. గతంలో అమితాబ్‌ బచ్చన్‌ నాయకునిగా ఆయన నిర్మించిన 'సర్కార్‌' విజయవంతం అయింది. బచ్చన్‌ కుటుంబంతో తన సంబంధాలు చాలా పవిత్రమైనవని ఆయన చెప్పుకువచ్చారు. ఎప్పటికీ అవి అలాగే ఉంటాయన్నారు. అలాగే 'డిపార్ట్‌మెంట్‌' చిత్రంలో అభిషేక్‌ బదులుగా దగ్గుబాటి రాణాను తీసుకోవాలని నిర్ణయించటం వివాదానికి కారణమైనట్లు కనిపిస్తోంది. అభిషేక్‌కు డేట్లు ఇవ్వటం కష్టమైనందువల్ల మార్పులు చేయాల్సి వచ్చిందని వర్మ అంటున్నారు.