అప్పుడు అనసూయ.. ఇప్పుడు ఈమె.. యాంకర్‌పై వర్మ హాట్ కామెంట్!

మీరే అందగత్తె

ఇంటర్వ్యూ మొత్తం పూర్తయ్యాక రాంగోపాల్ వర్మ తనని ఇంటర్వ్యూ చేసిన యాంకర్ ని ఉద్దేసించి ఇలా అన్నాడు. నేన్ను ఇంటర్వ్యూ చేసిన వారందరిలో మీరే చాలా అందంగా ఉన్నారు అని వ్యాఖ్యానించాడు. వర్మ కామెంట్ కు సదరు యాంకర్ సిగ్గుపడుతూ థాంక్యూ అని బదులిచ్చింది. తన మనసులో అనిపించిన విషయాన్ని బయటకు చెప్పేందుకు వర్మ ఏమాత్రం సంకోచించడు.

అనసూయ గురించి కూడా

ప్రస్తుతం క్రేజీ నటిగా, యాంకర్ గా దూసుకుపోతున్న అనసూయ గతంలో ఓ మీడియా సంస్థలో టీవీ జర్నలిస్ట్ గా పనిచేసింది. ఆ సమయంలో అనసూయ ఆర్జీవిని ఇంటర్వ్యూ చేసినప్పుడు కూడా ఇదే సీన్ జరిగింది. అనసూయ గ్లామర్ కు ఫిదా అయిన వర్మ ఆమెపై లైవ్ లోనే పొగడ్తలు కురిపించాడు. నేను చూసిన యాంకర్లందరూ మీరే అందగత్తె అంటూ అనసూయని పొగడ్తలతో ముంచెత్తాడు.

వర్మతో కలసి

మీడియా నుంచి అనసూయ బయటకు వచ్చిన తర్వాత రాంగోపాల్ వర్మ వద్ద చాలా కాలం పనిచేసింది. ఆ సమయంలో అనసూయ గురించి అనేక రూమర్లు వినిపించాయి. ఆ రూమర్లన్నింటికీ అనసూయ అప్పట్లోనే ఘాటుగా సమాధానం ఇచ్చింది. ప్రస్తుతం అనసూయ టాలీవుడ్ లో క్రేజీ నటి. రంగస్థలం చిత్రంలో అనసూయ తన నటనతో అందరిని ఫిదా చేసింది.

కోర్టులో లక్ష్మీస్ ఎన్టీఆర్

ఇదిలా ఉండగా లక్ష్మీస్ ఎన్టీఆర్ చిత్ర విడుదలకు సంబంధించిన పిటిషన్ కోర్టులో ఉంది. ఆంధ్రప్రదేశ్ లో లక్ష్మీస్ ఎన్టీఆర్ చిత్రం విడుదల కాకుండా కోర్టు స్టే ఇచ్చిన సంగతి తెలిసిందే. దీనిపై కోర్టులో ప్రస్తుతం వాదనలు జరుగుతున్నాయి. ఈ కేసు వ్యవహారం తేలితే కానీ లక్ష్మీస్ ఎన్టీఆర్ చిత్రం ఏపీలో విడుదలపై క్లారిటీ రాదు. ఇటీవల రాంగోపాల్ వర్మ ట్విట్టర్ లో లక్ష్మీస్ ఎన్టీఆర్ చిత్రం ఈ వారం ఏపీలో విడుదలవుతుందని ప్రకటించాడు. లక్ష్మీస్ ఎన్టీఆర్ చిత్రం ఎన్నికలపై ప్రభావం చూపే ప్రమాదం ఉందని టీడీపీ నేతలు పిటిషన్ వేసిన సంగతి తెలిసిందే.