వర్మ కొత్త చిత్రం 'అందం' ప్రకటన

By Srikanya

| Published: Friday, March 2, 2012, 11:07 [IST]

రామ్ గోపాల్ వర్మ షరా మూమూలుగా మరో కొత్త చిత్రం ప్రకటించి,ఆ సినిమా గురించి ఊదరకొడుతూ ప్రకటన రిలీజ్ చేసారు. ఆయన తన తాజా చిత్రానికి 'అందం'అనే టైటిల్ పెట్టారు. కింగ్ ఫిషర్ 2012 కేలండర్ లో తన అందాలతో అదరకొట్టిన బ్రెజిల్ మోడల్ సతాలియాని హీరోయిన్ గా పెట్టి ఈ చిత్రాన్ని తీస్తున్నారు. ఆమె ప్రస్తుతం వర్మ చేస్తున్న డిపార్టమెంట్ లో ఐటం సాంగ్ చేస్తోంది.

ఇక ఆమె గురించి వర్మ చెపుతూ.. ''నేను అందాన్ని ఆరాధిస్తాను. ఆ విషయాన్ని ఎప్పుడూ దాచుకోలేదు. నన్ను కట్టిపడేసిన అందమైన అమ్మాయిలు చాలామంది ఉన్నారు. వారిలో నథాలియాకే అగ్రతాంబూలం ఇస్తాను'' అన్నారు . అలాగే ''హింస, రక్తపాతాలకు 'రక్తచరిత్ర' ఉదాహరణగా చెబుతారు. అందాన్ని చూపించడంలో 'అందం' గురించి మాట్లాడుకొనేలా ఈ సినిమాని తీర్చిదిద్దుతా. పూర్తి వివరాలు త్వరలోనే ప్రకటిస్తాను'' అన్నారు.

ఇక వర్మ దర్శకత్వం వహించిన చిత్రం 'డిపార్ట్‌మెంట్‌'. అమితాబ్‌బచ్చన్‌, రానా ప్రధాన పాత్రలు పోషించారు. త్వరలోనే ఈ చిత్రం విడుదలకానుంది. తెలుగులోనూ ఈ చిత్రాన్ని డబ్ చేసి రానా మీద ఫోకస్ చేస్తూ రిలీజ్ చేయటానికి ప్లాన్ చేస్తున్నారు.