చంద్రబాబుపై వర్మ సంచలన కామెంట్స్.. మామూలు పోలిక కాదండీ బాబు! టీడీపీ ఫ్యాన్స్ ఫైర్

కృష్ణానది వరద.. ప్రమాదంలో కొన్ని ఇల్లు

కృష్ణానది లోకి భారీ వరద నీరు వచ్చి చేరడంతో.. కరకట్టపై ఉన్న పలు ఇళ్లలోకి నీరు చేరడం, ఆ ఇల్లు ప్రమాదం అంచున నిలవడం లాంటి సంఘటనలు చోటుచేసుకున్నాయి. దీంతో అప్రమత్తమైన అధికారులు అక్కడ సహాయక చర్యలు చేపట్టారు. ప్రమాదం అంచున ఉన్న ప్రజలను సురక్షిత ప్రాంతాలకు చేర్చే ప్రయత్నాలు సాగుతున్నాయి.

చంద్రబాబు ఇంటికి వరద ముప్పు

ఈ నేపథ్యంలో చంద్రబాబు ఇంటికి కూడా వరద ముప్పు ఉందని అధికారులు హెచ్చరించారు. ఈ మేరకు చంద్రబాబు ఇంటి పరిసర ప్రాంతాలపై వరద తీవ్రతను అంచనా వేసేందుకు డ్రోన్లు వదిలారు ఇరిగేషన్ శాఖా అధికారులు. దీంతో టీడీపీ నేతలు చంద్రబాబు భద్రతపై ఆందోళన వ్యక్తం చేస్తున్నారు. జగన్ ప్రభుత్వం కుట్ర పూర్వకంగానే చంద్రబాబు ఇంటిమీదకు వరద వదిలిందని ఆరోపిస్తున్నారు.

ఎంటరైన వర్మ.. మామూలు పోలిక కాదండీ బాబు!

ఇంతలో సీన్ లోకి రామ్ గోపాల్ వర్మ ఎంటరయ్యాడు. ఇంటిపై డ్రోన్స్ ఎగిరితే చంద్రబాబుకు భయమెందుకు?. ఆయనేమైనా ఒసామా బిన్ లాడెన్ లాంటివాడా ? లేదా ఆయన ఇంటి పెరట్లో ఏమైనా దాచిపెట్టాడా ? అని ప్రశ్నించారు వర్మ. జస్ట్ ఆస్కింగ్.. ఊరికే అడుగుతున్నా అంటూ వర్మ ట్వీట్ చేశారు. దీంతో ఆయన చేసిన ఈ ట్వీట్ సోషల్ మీడియాలో హాట్ టాపిక్ గా మారింది.

ఇక వదిలే పరిస్థితి కనిపించడం లేదు

గతంలో టీడీపీ నడ్డి విరిచేలా పలు సంచలన కామెంట్స్ చేసిన రామ్ గోపాల్ వర్మ అంత త్వరగా చంద్రబాబును వదిలే పరిస్థితి కనిపించడం లేదు. ముక్కుసూటిగా మాట్లాడే వర్మ కామెంట్స్ మున్ముందు టీడీపీ వర్గాలను మరింత కుంగదీసే అవకాశాలు కనిపిస్తున్నాయని అంటున్నారు విశ్లేషకులు.

కమ్మ రాజ్యంలో కడప రెడ్లు

ఇక రామ్ గోపాల్ వర్మ సినిమాల విషయాలకొస్తే.. లక్ష్మీస్ ఎన్టీఆర్ సినిమా తర్వాత ఆయన దర్శకత్వంలో రాబోతున్న కొత్త సినిమా 'కమ్మ రాజ్యంలో కడప రెడ్లు'. కులాల నేపథ్యంలో ఈ సినిమా తెరకెక్కనుందని, అయితే అది ఏ మాత్రం వివాదస్పదం కాదని ప్రకటించాడు వర్మ. ఆగస్టు 9 వ తేదీన విడుదలైన ఈ సినిమా లోని సాంగ్ సంచలనాలకు కేంద్ర బిందువుగా మారిన సంగతి తెలిసిందే.