మాజీ మంత్రి అండతో వర్మ

By Staff

| Published: Tuesday, May 19, 2009, 17:59 [IST]

'రణ్' టైటిల్ ట్రాక్ కోసం జాతీయ గీతాన్ని 'జన గణ మన రణ్ హై' అంటూ రీమిక్స్ చేయడంపై సెన్సార్ బోర్డు చెప్పిన అభ్యంతరాలపై వర్మన్యాయపరంగా ముందుకెళ్తున్నారు. చట్టాల్లోని నిబంధనల ప్రకారం ఈ పాటకు సంబంధించిన ప్రమోషన్ వర్క్ ను అనుమతించేది లేదని ఇటీవల సెన్సార్ బోర్డు తేల్చిచెప్పిన విషయం తెలిసిందే. దాంతో సెన్సార్ బోర్డు రూలింగ్ పై తొలుత హైకోర్టును ఆశ్రయించాలని భావించిన వర్మ టైమ్ దండుగ ఎందుకని ఇప్పుడు నేరుగా సుప్రీంకోర్టునే ఆశ్రయించబోతున్నారు. సెన్సార్ బోర్డు అభ్యంతరాలపై వర్మ పోరాటానికి ప్రముఖ న్యాయవాది, బిజెపి సీనియర్ నేత అరుణ్ జైట్లీ సహకారాన్ని వర్మ కోరినట్టు విశ్వసనీయ వర్గాల ద్వారా సమాచారం. 'వర్మ కేసును అరుణ్ జైట్లీ హ్యాండిల్ చేయబోతున్నారు. దీనిపై ఇరువురూ చర్చించారు. వర్మకు సహకరించేందుకు జైట్లీ సైతం ఆసక్తి కనబరుస్తున్నారు' అని ఆ వర్గాలు తెలిపారు. ఈ విషయాన్ని వర్మ సైతం ధ్రువీకరిస్తూ, సుప్రీంకోర్టులో ఈ కేసు వాదనను అరుణ్ జైట్లీకి అప్పగించనున్నామని చెప్పారు.

ఇక ఎప్పుడూ ఏదో ఒక వివాదాస్పద వ్యాఖ్యలు చేస్తూ మీడియా హెడ్ లైన్స్ కెక్కే వర్మ ఇప్పుడు రణ్ పైరుతో దానిపైనే యుద్దం ప్రకటించనున్నాడు. ఇదే విషయాన్ని వర్మ తన బ్లాగ్ లో ప్రస్తావిస్తూ...తను తర్వాత తీస్తున్న చిత్రం పేరు రణ్ అనీ ప్రకటించాడు. రణ్ అర్దాన్ని కొన్ని భారీ స్దాయిలో ఆర్గనైజ్ చేయబడుతున్న కొన్ని గ్రూపుల మధ్య యుధ్థం గా వర్ణించాడు. ఇక ఈ చిత్రంలో న్యూస్ ఛానెల్స్, పేపర్లు కలసి బ్రేకింగ్ న్యూస్ కోసం వారిలో వారు చేసే పోరాటాల్ని,చీప్ జిమ్మిక్స్ ని బయిటపెడతానంటున్నాడు. మనిషి కుక్కని కరిస్తే న్యూస్ అంటారని, అదే పిల్లి కుక్కను కరిస్తే బ్రేకింగ్ న్యూస్ అంటారని చెప్పుకొచ్చాడు. ఇక ఈ న్యూస్ ఛానెల్స్ టీవీ సీరియల్స్, థ్రిల్లర్స్ కన్నా మంచి ఎంటర్ టైన్ మెంట్ ని ఇస్తాయంటూ విమర్శించాడు. తమ సర్కులేషన్, టీరీపీ రేటింగ్స్ పెంచుకునేందుకు అవి ఎంతకైనా దిగజారుతున్నాయని అదే సబ్జెక్టు అనీ చెప్పుకొచ్చాడు.ఇక టీఆర్పీల మాట దేముడెరుగు కానీ పబ్లిసిటీ కోసం ఎంతకైనా వర్మ దిగజారుతాడనే విషయం ఈ సంఘటనతో రుజువు అవుతుందని అంతా అంటున్నారు.