క్రిస్ మస్..... రామ్ గోపాల్ వర్మ తిక్క ట్వీట్లు

హైదరాబాద్: దర్శకుడు రామ్ గోపాల్ వర్మ వివాదాలకు పెట్టింది పేరు. గతంలో హిందూ దేవుళ్లపై వివాదాస్పద ట్వీట్లు చేసిన వర్మ ఈ సారి క్రిస్ మస్ సందర్భంగా కూడా తిక్క తిక్క ట్వీట్లు చేసాడు.

"జీసస్ అందరినీ ప్రేమిస్తే.. ఐసిస్ ని కూడా ప్రేమిస్తాడా-జస్ట్ ఆస్కింగ్" అంటూ మొదలు పెట్టిన వర్మ.....ఏస్తు క్రీస్తు, అల్లా పైటింగ్ అంటూ ట్వీట్స్ చేసాడు.

"ఏసుక్రీస్తు - అల్లా ఇద్దరూ డైరెక్టుగా ఫేస్ టు ఫేస్ ఫైట్ చేసుకుంటే.. జీసస్ గెలుస్తాడని అనుకుంటున్నా.. ఆయన కండలు చూస్తే నాకు అలా అనిపిస్తోంది. అంటూ ట్వీట్ చేసాడు.

రోమన్స్ జీసస్ ను అంత క్రూరంగా కిరాతకంగా చంపినపుడు అదే ఐసిస్ ఉగ్రవాదులు అయితే.. ఇంకెంత కఠినంగా చంపేవారే"అంటూ అనుమానపు ట్వీట్ చేసాడు.

"నేనో విషయం తెలుసుకోవాలని అనుకుంటున్నా.. జీసస్ అందరినీ ప్రేమిస్తాడని క్రైస్తవులు నమ్ముతారు కదా.. మరి ఐసీస్ లీడర్ అబూ బకర్ ని కూడా జీసస్ ప్రేమిస్తాడా" అంటూ ప్రశ్నించాడు రామ్ గోపాల్ వర్మ.

"ఒక వేళ జీసస్ కనుక అబూ బకర్ నుంచి ఐసిస్ అల్ ఖైదా మెంబర్స్ అందరినీ ప్రేమించేటట్లయితే.. అప్పుడు అమెరికన్లు మసీదులను వెతకడం మానేసి తమ దేవుడి విషయంలోనే రివ్యూ చేసుకోవాలి" అంటూ ఓ సూచన కూడా చేశాడు.

"మెనీ హ్యాపీ రిటర్న్స్ ఆఫ్ ది డే మిస్టర్ జీసస్ శాంటా ఇచ్చిన చాకొలేట్స్ తినేశాక.. ఐసిస్ విషయంలో నువ్వేమన్నా చేయగలవేమో చూడు.. నాకు డౌటే" అంటూ జీసస్ పై తన ట్వీట్స్ ని ముగించాడు వర్మ.

స్లైడ్ షోలో వర్మ ట్వీట్స్