ఆమె వల్లే రామ్ కి కష్టాలు

By Staff

Published: Wednesday, February 11, 2009, 16:44 [IST]

రవికిషోర్ తన స్రవంతి బ్యానర్ పై రామ్ హీరోగా రూపొందించనున్న చిత్రం లేటు అయ్యేటట్లు ఉందని సమాచారం. ఆ లేటుకు కారణం..హీరోయిన్ గా కమిట్ అయిన కాజోల్ డేట్స్ ఎడ్జెస్ట్ చేయలేకపోవటం అని విశ్వసనీయంగా తెలుస్తోంది. కాజోల్ ప్రస్తుతం ఆర్య-2, మగధీర చిత్రాలు పూర్తి చేసే హడావిడిలో ఉంది. మరో ప్రక్క రామ్ మస్కా పరాజయంతో మరో హిట్ కోసం డెస్పరేట్ గా ఎదురుచూస్తున్నాడు. ఇక ఇంతకు ముందు మస్కా కు కూడా కాజల్ డేట్స్ అడిగారు. కానీ ఆమె డైరీ ఖాళీ లేకపోవటంతో అది సాధ్యం కాలేదు. దాంతో ఈ సారన్నా ఆమె కాంబినేషన్లో హిట్ కొట్టాలని చూస్తున్నాడు.

ఇక ఈ సినిమాను శవరణ్ అనే తమిళ రచయిత డైరక్ట్ చేయనున్నాడని సమాచారం. ఇది ప్రారంభమయిన కొద్ది రోజులకు గానీ దిల్ రాజు నిర్మాతగా శ్రీవాసు సినిమా ప్రారంభం కాదు. ఇవన్నీ చూసిన రవికిషోర్ ఎట్లాగో కొద్ది రోజులు పట్టేటట్లు ఉందని స్క్రిప్ట్ ని మరో సారి సరిచూసుకోమన్నట్లు చెప్తున్నారు. ఇన్నాళ్ళూ స్క్రిప్టునే నమ్మాననే అదే నిలబెట్టిందనీ ఆ దర్శకుడుకి నచ్చచెప్పి మరో వెర్షన్ రాయిస్తున్నాడని ఫిల్మ్ నగర్ చెప్పుకుంటున్నారు. ఏదైమైనా కజల్ వల్లే రామ్ కి కష్టాలు కొనసాగుతున్నాయని ఆమె షూటింగ్ కి జాయిన్ కాగానే అంతా సవ్యంగా పరుగెడుతుందని భావిస్తున్నారు.

More from Filmibeat