'రామ రామ కృష్ణ కృష్ణ' టైటిల్ జస్టిఫికేషన్ అదా?

రామ్ హీరోగా దిల్ రాజు రూపొందిస్తున్న చిత్రం 'రామ రామ కృష్ణ కృష్ణ'. 'లక్ష్యం' ఫేం శ్రీవాస్‌ దర్శకత్వంలో తయారవుతున్న ఈ చిత్రంలో ఆ టైటిల్ గురించి ఆయనే మీడియాకు చెప్పారు. ఆయన మాట్లాడుతూ..." హీరో...నాన్న రామ భక్తుడు..అమ్మ కృష్ణ భక్తురాలు. ఆ దైవాల సారం హీరో పాత్రలో ఉంటుంది. అలాగే విలన్స్ తో అతను ఆడుకునే విధానం కూడా వైవిధ్యంగా ఉంటుంది అన్నారు. ఇక ఎంఎం కీరవాణి సంగీతం అందించిన చిత్రం ఆడియోను ఈ నెల 9న విడుదల చేయనున్నారు. ఈ విషయాన్ని నిర్మాత దిల్ రాజు మీడియాకు తెలియచేసారు. అలాగే ప్రియా ఆనంద్‌, బిందు మాధవి ఇందులో హీరోయిన్స్ గా చేస్తున్నారు. సీనియర్‌ హీరో అర్జున్‌ పాత్ర ఇందులో కీలకమైన పాత్రను చేస్తున్నారు. ఇప్పటికే షూటింగ్‌ పూర్తయిన ఈ చిత్రం వచ్చే నెలలో సినిమాను విడుదల కానుంది.