ఇంట్లో పూజ చేసుకుని బయలుదేరిన రాంచరణ్.. ఇక ఊచకోతే!

బోయపాటి మాస్ మసాలా

రంగస్థలం వంటి విభిన్నమైన చిత్రంలో నటించిన రాంచరణ్ ప్రస్తుతం బోయపాటి రూపొందించే యాక్షన్ ఎంటర్ టైనర్ చిత్రంలో పాల్గొనబోతున్నాడు. ఈ చిత్ర షూటింగ్ ఇదివరకే ప్రారంభమైనా చరణ్ మాత్రం నేటి నుంచే షూట్ లో పాల్గొనబోతున్నాడు.

రంగస్థలం తరువాత

రంగస్థలం చిత్రం తరువాత రాంచరణ్ వరుస చిత్రాలతో బిజీకాబోతున్నాడు. ప్రస్తుతం బోయపాటి చిత్రంలో నటిస్తున్న చరణ్ ఆ తరువాత రాజమౌళి చిత్రంలో నటించాల్సి ఉంది. దర్శకుడు కొరటాల కూడా రాంచరణ్ తో సినిమా చేయడానికి ఆసక్తి చూపుతున్నట్లు వార్తలు వస్తున్నాయి.

ఇంట్లో పూజ చేసుకుని

రాంచరణ్ బోయపాటి సినిమా సెట్స్ కి వెళ్లే ముందు ఇంట్లో పూజచేసుకుని బయలుదేరాడు. ఈ విషయాన్ని చరణ్ సతీమణి ఉపాసన ట్విట్టర్ ద్వారా తెలియజేసారు. ఉపాసన సోషల్ మీడియాలో ఎప్పుడూ యాక్టీవ్ గా ఉండే సంగతి తెలిసిందే. రాంచరణ్ కు సంబందించిన ప్రతి విషయాన్ని ఉపాసన సోషల్ మీడియాలో అభిమానులతో పంచుకుంటారు.

బోయపాటి మార్క్‌తో

ఈ చిత్రం బోయపాటి యాక్షన్ చిత్రాల తరహాలో ఉండబోతోంది. రాంచరణ్ పాత్రకు ధీటుగా బోయపాటి ఈ చిత్రంలో విలన్ పాత్ర ని తీర్చిదిద్దినట్లు తెలుస్తోంది. బాలీవుడ్ నటుడు వివేక్ ఒబెరాయ్ ఈ చిత్రంలో విలన్ గా నటిస్తున్నాడు. ఈ చిత్రంలో ఫైట్స్ అదిరిపోయేలా ఉండనున్నట్లు తెలుస్తోంది.

బాలీవుడ్ బ్యూటీ

ఈ చిత్రంలో బాలీవుడ్ బ్యూటీ కైరా అద్వానీ హీరోయిన్ గా నటిస్తోంది. డివివి దానయ్య ఈ చిత్రాన్ని నిర్మిస్తున్నారు. సీనియర్ హీరోయిన్ స్నేహ ఈ చిత్రంలో కీలక పాత్రలో నటిస్తోంది.