మగధీర రిలీజ్ డేట్ ఇదే!

By Staff

Published: Sunday, May 10, 2009, 10:46 [IST]

రామ్ చరణ్ తేజ,కాజల్ కాంబినేషన్లో రెడీ అయిన మగధీర చిత్రం జూన్ 17 న రిలీజ్ చేయటానికి దర్శక,నిర్మాతలు సన్నాహాలు చేస్తున్నట్లు విశ్వసనీయ సమాచారం. ప్రస్తుతం ప్యాచ్ వర్క్ జరుపుకుంటున్న ఈ చిత్రం రామ్ చరణ్ అభిమానులునే కాక అందరినీ అలరించే అవకాశముందని తెలుస్తోంది. అలాగే చిరంజీవి కెరీర్ లో సూపర్ హిట్ ఘరానామొగుడు లోని బంగారు కోడి పెట్ట పాట ను ఈ చిత్రంలో రీమిక్స్ చేసారు. అంతేగాక చిరంజీవి సైతం తన కుమారుడుతో కలిసి స్టెప్స్ వేసి తన అభిమానులను అలరించనున్నారు. ఇక ఇప్పటివరకూ ఒక్క ప్లాప్ కూడా లేని రాజమౌళి డైరక్ట్ చేయటంతో ఈ సినిమాపై మంచి ఎక్సపెక్టేషన్స్ ఉన్నాయి. రాజస్ఠాన్ లో షూటింగ్ జరుపుకున్న ఈ చిత్రం పునర్జమన్మ కాన్సెప్ట్ చుట్టూ తిరుగుతుంది. శ్రీహరి సైతం ఈ చిత్రంలో కీలకమైన పాత్ర చేసారని వినికిడి. గీతా ఆర్ట్స్ పై గజనీ తర్వాత ఎక్కువ బడ్జెట్ లో నిర్మితమైన చిత్రం ఇదేనని తెలుస్తోంది.

ఇక మగధీర చిత్రం షూటింగ్ వర్కింగ్ డేస్ 220 రోజులని సమాచారం. అయితే సంవత్సరాలు తరబడి షూటింగ్ జరుపుకున్న చిత్రాలు ఉన్నాయి గానీ..పక్కా ప్లానింగ్ తో వెళ్ళే రాజమౌళి ఇన్ని రోజులు షూటింగ్ చేయటం అనేది ఆశ్చర్యమేనంటున్నారు. రాజమౌళి గతంలో వచ్చిన సూపర్ హిట్ చిత్రాలు దేనికీ ఇంతకాలం కాలేదని, అలాగే రోజులకు తగ్గట్లే భారీ బడ్జెట్ అయిందని ఫిల్మ్ సర్కిల్స్ లో వినపడుతోంది. సినిమా మెగా హిట్టయితే గానీ ఆ డబ్బులు రికవరి అవటం కష్టం..అయినా ఆ రేంజి కెపాసిటి ఆ చిత్రంలో ఉండే ఉంటుంది...లేకపోతే చెయ్యరు అంటున్నారు విశ్లేషకులు. ఇక పునర్జన్మల చుట్టూ తిరిగే ఈ చిత్రం మూడు భాషల్లో రిలీజ్ కి ప్లాన్ చేస్తున్నట్లు తెలుస్తోంది. ఎలక్షన్ అనంతరం రిలీజ్ అయ్యే ఈ సినిమా రీరికార్డింగ్ నిమిత్తం ప్రస్తుతం ఫిలిం సిటీలో ఉంది. అలాగే 220 రోజులు షూటింగ్ జరుపుకున్న ఈ చిత్రం అన్ని రోజులూ ఆడాలని కోరుకుందాం.

More from Filmibeat