హోమ్

న్యూస్

ఆదివారం రాత్రి హైదరాబాద్‌లో జరిగిన 'రచ్చ' ఆడియో వేడుకలో రామ్ చరణ్ చాలా ఉద్వేగంగా ప్రసంగించారు. ఆరెంజ్ ప్లాప్ తర్వాత వస్తున్న ఈ చిత్రంపై ఆయన చాలా ఆశలు పెట్టుకున్నట్లు ఆ మాటల్లో వ్యక్తమైంది. రామ్‌చరణ్‌ మాట్లాడుతూ '' సంపత్‌ ఎంతో ప్రతిభావంతమైన దర్శకుడు. తనలోని స్పష్టత నాకు చాలా నచ్చింది. తెరపై సినిమా చూస్తున్నట్టుగా కథ చెప్పాడు. అందుకే ఈ సినిమా ఒప్పుకొన్నా. మణిశర్మని మెలోడీ బ్రహ్మ అంటారు. ఈ సినిమాతో మాస్‌ బ్రహ్మ అనిపించుకొంటాడు. ఎముకలు విరిగిపోయేలా ఆయన పాటలకు డాన్స్‌ చేయాల్సి వచ్చింది. ఇప్పటిదాకా నాతో నటించిన హీరోయిన్స్ ల్లో తమన్నా నాకు ఎంతో నచ్చింది. ఈ సినిమాకోసం ఎంతో కష్టపడింది. తన బాబాయ్ పవన్‌కళ్యాణ్‌కు సుస్వాగతం, అన్నవరం వంటి హిట్స్ ఇచ్చిన సూపర్ గుడ్ సంస్థ తనతో 'రచ్చ' చేయడం ఆనందంగా ఉందన్నారు. అభిమానులు బాబాయ్‌ గురించి అడుగుతున్నారు. ఈ వేడుకని 4వతేదీనే చేద్దామనుకొన్నాం. కానీ కుదరలేదు. దీంతో షూటింగ్‌ నిమిత్తం అమెరికా వెళ్లారు. ఈ రోజు సాయంత్రమే ఫోన్‌చేసి అభినందనలు చెప్పారు ''అన్నారు.

తను మొదటి సినిమా చేసినంత ఆనందంగా ఇప్పుడు మనసులో కలుగుతోందని తమన్నా చెప్పారు. దర్శకుడు వివి వినాయిక్ మాట్లాడుతూ.. ''చిరంజీవికి 'గ్యాంగ్‌లీడర్‌' తరహాలో చరణ్‌కి ఈ చిత్రం గుర్తింపును తెచ్చిపెడుతుందని''అన్నారు ‌. ఈ చిత్రాన్ని తెలుగు, తమిళం మలయాళం భాషల్లో విడుదల చేస్తామన్నారు నిర్మాతలు. ఈ కార్యక్రమంలో అల్లు అర్జున్‌, నాగబాబు, ఆర్‌.బి.చౌదరి, అల్లు అరవింద్‌, తమన్నా, వంశీపైడిపల్లి, పరుచూరి బ్రదర్స్‌, అశ్వనీదత్‌, దిల్‌రాజు, డి.వి.వి.దానయ్య, గంటా శ్రీనివాసరావు, బాలీవుడ్‌ ప్రముఖులు అపూర్వ లఖియా, అమిత్‌ మెహ్రా తదితరులు పాల్గొన్నారు. ఆదిత్య మ్యూజిక్‌ ద్వారా పాటలు విడుదలయ్యాయి.