ప్రియతో ప్రేమలోపడ్డ రమేష్

సూపర్ గుడ్ ఫిలిమ్స్ అధినేత ఆర్.బి.చౌదరి తనయుడు రమేష్, ప్రియమణి జంటగా నటిస్తున్న చిత్రం 'ప్రియతమా రావే". ప్రభాత్ సెల్యులూయిడ్స్ పతాకంపై బొండా వెంకట ప్వామి నాయుడు ఈ సినిమాని నిర్మిస్తున్నారు. తమిళంలో ప్రియమణి హీరోయిన్ గా నటించిన 'మధు" సినిమాని తెలుగులోకి తర్జుమాచేసి ఈ చిత్రానికి 'ప్రియతమా రావే" అనే టైటిల్ ను ఖరారు చేశారు. ఈ సందర్భంగా నిర్మత మాట్లాడుతూ తెలుగు ప్రేక్షకులను అలరించే విధంగా ఈ చిత్రం ఉంటుందని 'ఇదొక అందమైన మరో ప్రేమ చరిత్ర. అన్నారు. ఈ చిత్రం యెక్క కథాపరంగా ప్రేమ అనే మాటకు ఆమడదూరంలో ఉండే కథానాయికను ఎలా మనస్సు దోచుకుంటాడు, ఆ తర్వాత కౄర మనస్తత్వం ఉన్న ప్రేయసి తండ్రిని ఎలా ఎదుర్కొంటాడు తన ప్రేమను ఏవిధంగా సాధించుకుంటాడేనేది ఈ సినిమా యొక్క సారాశం అన్నారు. సెన్సార్ కార్యక్రమాలు ముగించుకొన్న ఈ సినిమాని అక్టోబర్ మొదటివారంలో విడుదల చేయడానికి ప్లాన్ చేస్తున్నామన్నారు. ఈ చిత్రానికి ఇళయరాజా అందించనున్న సంగీతం శ్రోతలను ఆకట్టుకోనుంది.