పవన్ కొడుకు పేరు చాలా గొప్పదే: "పవనోవిచ్" ని కూడా వదలని వర్మ

సర్వత్రా ఆసక్తి రేపింది

పవన్ కొడుకు పేరు ఏంటన్న దానిపై సర్వత్రా ఆసక్తి రేపింది. పవన్ కళ్యాణ్ హిందూ, ఆయన భార్య అన్నా లెజెనివా క్రిస్టియన్ కావడంతో వారికి పుట్టిన బిడ్డకు ఏ సాంప్రదాయం ప్రకారం పేరు పెడతారో అంటూ రకరకాలుగా చర్చించుకున్నారు.

మార్క్ శంకర్ పవనోవిచ్

మొత్తానికి పవన్ అటు రష్యన్, ఇటు ఇండియన్ సాంప్రాదాల కలయికగా "మార్క్ శంకర్ పవనోవిచ్" అనే పేరు పెట్టాడు. చిరంజీవి అసలు పేరైన శివశంకర వరప్రసాద్ లోని శంకర్ నీ, తనపేరులోని పవన్ నీ కలిపి పవన్ పెట్టుకున్న పేరు రామ్‌గోపాల్ వర్మకి మాత్రం వెటకారంగా కనిపించిందట.

ఇప్పటివరకూ వినని పేరును ఇప్పుడు విన్నాను

ఈ ప్రపంచంలో క్రైస్తవం పుట్టక ముందు నుంచి, అసలు మానవులు మాట్లాడుకోగలరా? అని ఈజిప్టుకు చెందిన పారా సమెథికస్-1 పరిశోధనలు చేసిన కాలం నుంచి వెతికినా, ఇప్పటివరకూ వినని పేరును తానిప్పుడు విన్నానని రాంగోపాల్ వర్మ వ్యాఖ్యానించాడు.

పవనోవిచ్ మీద కూడా

ఈ పేరు అతి గొప్పదని వర్మ తన ఫేస్ బుక్ లో ఓ పోస్టు పెట్టాడు. భాషలు పుట్టిన తరువాత తాను విన్న పేర్లలో అత్యంత గొప్పది ఇదేనని చెప్పాడు. ఇలా పవన్ కళ్యాణ్‌నే కాదు ఇక పవనోవిచ్ మీద కూడా యుద్దం మొదలు పెట్టాడు వర్మ...