వాడో దొంగ.. ఆఫీసు నుంచి గెంటేశాం, ఇన్నాళ్లు ఎందుకు సైలెంట్‌గా ఉన్నానంటే: జయకుమార్‌పై ఆర్జీవి

వర్మ మాటల్లో..:

ఇండస్ట్రీలోకి రావాలని ప్రయత్నించే ఎందరో కొత్త వాళ్లను నేను ఎంకరేజ్ చేస్తుంటాను. అందులో కొందరితో మాట్లాడుతుంటాను. కొందరితో మెయిల్ లో కాంటాక్ట్ చేస్తాను. అలా నాకు ఏడాది క్రితం పరిచయమైన వాడే ఈ జయకుమార్.

ఎన్ని ఛాన్స్‌లు ఇచ్చినా..:

నా దగ్గర పనిచేసిన కాలంలో ఏనాడూ అతడి పనితీరు మెప్పించేలా లేదు. తనను తాను నిరూపించుకోక పోతాడా అని చాలా ఛాన్సులిచ్చా. కానీ ఏదీ ఉపయోగించుకోలేదు.

అతన్ని గెంటేశాం..:

ఆఖరికి నా ఆఫీసులో కొన్నిసార్లు దొంగతనం చేస్తూ కూడా పట్టుబడ్డాడు. దీంతో 10నెలల క్రితమే నా టీమ్ నుంచి జయకుమార్‌ను బయటకు గెంటేశాం. వాడో దొంగ.

జీఎస్‌టీ-గాడ్ సెక్స్&ట్రూత్

మూడు నెలల క్రితమే జీఎస్‌టీ ఆలోచన రూపుదిద్దుకుంది. అప్పుడే షూట్ పనులు మొదలుపెట్టాం. ఈ మూడు నెలల కాలంలో దీనికోసం 15 మంది రకరకాల హోదాల్లో పని చేశారు. జయకుమార్ ను బయటకు పంపి పది నెలలు దాటుతోంది.

అందుకే ఇన్నాళ్ల మౌనం:

ఇప్పుడు జీఎస్‌టీ తనదేనంటూ ఆరోపిస్తున్న జయకుమార్.. ఆ కంటెంట్ మా కంప్యూటర్ నుంచో హ్యాక్ చేయడమో.. లేక దొంగతనం చేయడమో చేసి ఉంటాడు. అలాంటి క్రిమినల్ మెంటాలిటీ ఉన్నవాడికి అనవసరంగా పబ్లిసిటీ కల్పించడం ఎందుకనే ఇన్నాళ్లు సైలెంట్‌గా ఉన్నాను.

క్రిమినల్ ప్రొసీడింగ్స్:

జయకుమార్ పై ఇప్పుడు సివిల్ క్రిమినల్ ప్రొసీడింగ్స్ తీసుకుంటున్నాం. ఇప్పటికే సైబర్ క్రైమ్ డివిజన్ కు అతని నేరప్రవృత్తి గురించి ఫిర్యాదు చేశాం.

దుమ్మురేపుతున్న జీఎస్‌టీ సెర్చింజన్ ట్రెండ్స్:

వివాదం సంగతి పక్కనపెడితే.. వర్మ జీఎస్‌టీకి ప్రపంచవ్యాప్తంగా వస్తున్న స్పందన అంతా ఇంతా కాదు. గడిచిన నాలుగు గంటల్లో జీఎస్‌టీ పట్ల ఎంతమంది ఆసక్తి కనబరిచారో చెప్పేలా.. సెర్చింజన్ ట్రెండ్స్ ను ట్విట్టర్ లో పోస్టు చేశారు వర్మ. ఉదయం 9గం. సమయంలో జీఎస్‌టీకి విపరీతమైన ట్రాఫిక్ పోటెత్తినట్లు అందులో కనిపిస్తోంది.