సిద్దార్ధ తల్లిగా రమ్యకృష్ణ!

By Staff

| Published: Tuesday, September 30, 2008, 14:26 [IST]

మొన్న మొన్నటి వరకూ హీరోయిన్ గా ఒక వెల్గు వెల్గిన రమ్యకృష్ణ ఇప్పుడు తల్లి పాత్ర లకు వచ్చేసింది. తాజాగా నల్లమలుపు బుజ్జి నిర్మిస్తున్న రొమాంటిక్ ఎంటర్ టైనర్ 'కొంచెం ఇష్టంగా కొంచెం కష్టంగా' సినిమాలో ఆమె హీరో సిద్దార్ధకు తల్లిగా కనిపించనుంది. ఆమె భర్తగా ప్రకాష్ రాజ్ డిగ్నిఫైడ్ రోల్ లో కనిపిస్తాడు. ఇక ఈ సినిమాతో ఆమె వరసగా ఇలాంటి సినిమాలే చేస్తుందా అంటే తమిళంలో ఆర్ముగం లో నరసింహా లోని నీలాంబరి తరహా పాత్రను చేస్తున్నానని,ఏమో ఏది వర్కవుట్ అయితే అటే కంటిన్యూ అవతానని చెప్తోంది.

ఇక ఈ చిత్రంలో సిద్దార్దకు జోడీగా హ్యాపీడేస్ ఫేమ్ తమన్నా చేస్తోంది. అలాగే ఆమె తండ్రిగా నాజర్ కనిపించనున్నాడు. బ్రహ్మానందం,వేణుమాధవ్ మరో ముఖ్యపాత్రలలో కనపడి కామిడీని పంచుతారు. ఇక ఈ చిత్రం ద్వారా వినాయిక్ మిత్రుడు డాలీ(కిషోర్) డైరక్టర్ గా పరిచయమవుతున్నాడు. బొమ్మరిల్లు ఫేమ్ విజయ్ చక్రవర్తి కెమెరా అందిస్తున్న ఈ చిత్రం అన్ని కార్యక్రమాలు పూర్తి చేసి జనవరి 14 న రిలీజ్ చేయాలని ప్లాన్ చేస్తున్నారు.