చరిత్ర తిరుగరాసే పాత్రలో రానా.. రెజీనాతో నిశ్చితార్థం?..

రెండో షెడ్యూల్‌లో

1945గా పేర్కొంటున్న ఈ చిత్రం ఇప్పటికే తొలి షెడ్యూల్‌ను పూర్తి చేసుకొన్నది. రెండో షెడ్యూల్‌ను తాజాగా మొదలుపెట్టింది. ఈ నేపథ్యంలో రానా ఆసక్తికరమైన ట్వీట్ చేశారు. మరోసారి చరిత్రను తిరగరాయబోతున్నాం. 1945 కాలంలోకి తిరిగి వెళ్లిపోతున్నాం. 1945 సినిమాకు సంబంధించిన మరో భారీ షెడ్యూల్‌ను చిత్రీకరిస్తున్నాం అని రానా ట్విట్టర్‌లో పేర్కొన్నారు.

ఆ పాత్ర కోసం సిద్ధమవుతున్నట్

ట్వీట్‌కు బ్రిటీష్ ఇండియా కాలం నాటి ఫొటోను అటాచ్ చేశాడు. అంతేకాకుండా ఆ పాత్ర కోసం సిద్ధమవుతున్నట్టు తెలిపే ఫొటోను కూడా పెట్టారు. ఇద్దరు హెయిర్ స్టయిలిస్టులు హేయిర్ కటింగ్ చేస్తున్న ఫొటోను ట్యాగ్ చేశాడు. దాంతో అర్థమైందేమంటే.. రానా మరో విభిన్నమైన లుక్‌లో కనిపించనున్నట్టు తెలుస్తున్నది.

కొత్త లుక్‌లో రానా

1945 చిత్రంలో పలు రకాల గెటప్స్‌ కూడా ఉన్నట్టు రానా మరో హింట్ ఇచ్చారు. ఈ చిత్రంలోని ఓ గెటప్ గురించి విజయ్, జైపాల్ తీవ్రంగా కృషిచేస్తున్నారు అని మరో ట్వీట్‌లో పేర్కొన్నారు.

ఆజాద్ హింద్ ఫౌజ్ కథా నేపథ్యంగా

జాతీయ వార్త పత్రికల కథనాల ప్రకారం.. 1945 చిత్రం ఆజాద్ హింద్ ఫౌజ్ కథా నేపథ్యంగా రూపొందుతుందట. ఈ చిత్రంలో రానా సుభాష్ చంద్రబోస్‌గా కనిపించనున్నారట. అద్భుతమైన పోరాట ఘట్టాలతో స్వాతంత్ర ఉద్యమాన్ని తెరకెక్కించడానికి ప్రయత్నిస్తున్నారట.

హీరోయిన్‌గా రెజీనా

అత్యంత ప్రతిష్టాత్మకంగా రూపొందుతున్న ఈ చిత్రంలో రెజీనా హీరోయిన్‌గా నటిస్తున్నది. రానాతో నిశ్చితార్థం జరిగి పెళ్లికి సిద్ధమయ్యే చెట్టియార్ అమ్మాయి పాత్రలో నటిస్తున్నది.

పూర్తిగా చీరకట్టులోనే

తన పాత్రపై రెజీనా స్పందిస్తూ .. నేను చెట్టినార్ కులానికి చెందిన యువతిగా నటిస్తున్నాను. ఈ చిత్రంలో పూర్తిగా నేను చీరకట్టులోనే కనిపిస్తాను. మేకప్ లేకుండా చాలా సాదా సీదాగా కనిపిస్తాను. చెన్నై, కోచిలో జరిగిన షూటింగ్‌లో కొన్ని సన్నివేశాలు నాపై చిత్రీకరించారు అని రెజీనా పేర్కొన్నారు.