Don't Miss!
- News హైదరాబాద్, కరీంనగర్ కాంగ్రెస్ అభ్యర్థులు వీరే: ఖమ్మంలో హీరో వెంకటేష్ వియ్యంకుడు
- Sports T20 World Cup 2024 బ్రాండ్ అంబాసిడర్గా పరుగుల చిరుత.!
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సెన్సేషనల్ బయోపిక్లో రానా దగ్గుబాటి.. అచ్చ తెలుగు మల్లయోధుడిగా..
Recommended Video
బాహుబలి తర్వాత దగ్గుబాటి రానా చిత్రాల ఎంపికలో అనూహ్యమైన మార్పు కనిపిస్తున్నది. ఘాజీ, నేనే రాజు నేనే మంత్రి, 1945, మరట్వాడా మహారాజు, హాథీ మేరి సాథీ లాంటి విభిన్నమైన చిత్రాలతో దూసుకెళ్తున్నారు. తాజాగా ఆయన గ్రీన్ సిగ్నల్ ఇచ్చిన ప్రాజెక్ట్ ఒకటి మీడియాలో సంచలనంగా మారింది. ఆ ప్రాజెక్ట్ ఏమింటంటే స్వాతంత్ర్య సమరయోధుడు కోడి రామ్మూర్తినాయుడు జీవిత కథ.
ఓటమి ఎరుగని యోధుడు కోడి రామ్మూర్తి నాయుడు
మహా మల్లయోధుడు కోడి రామ్మూర్తి నాయుడు 5000 కి పైగా పోటీల్లో ఓటమనేదే ఎరుగని యోధుడు. ఆయన ప్రతిభకి మెచ్చి అప్పట్లో కింగ్ జార్జ్ స్వయంగా 'ఇండియన్ హెర్క్యూలెస్', 'కలియుగ భీమ' బిరుదులతో కోడి రామ్మూర్తి నాయుడు గారిని సత్కరించారు. బ్రిటిష్ పాలన బలంగా ఉన్న 1900 తొలి నాళ్ళల్లో , ఈ యువ కలియుగ భీముడు తన సత్తా చాటాడు.
స్వాత్రంత్య యోధుడిగా
మహా ధైర్యవంతుడు అయిన ఈయన మల్లయుద్ధం బరిలో అనేక పోరాటాల్లో పాల్గొన్నారు. బాడీ బిల్డింగ్, మల్లయుద్ధం పట్ల ఉన్న అమితాసక్తి, ఇష్టం కోడి రామ్మూర్తి నాయుడు గారిని ఆ రోజుల్లో మల్లయుద్ధంలో ఓటమనేదే ఎరుగని ధీరుడినిగా నిలబెట్టింది. గోదాలో ఈయన ప్రదర్శించిన పరాక్రమం భారత దేశ స్వాతంత్ర్య ఉద్యమానికి స్ప్హూర్తి రగిల్చింది.
కోడి రామ్మూర్తినాయుడు అంటే రానాకు
కోడి రామ్మూర్తి నాయుడు గురించి పాఠ్య పుస్తకాల్లో చదువుతున్నప్పటి నుండే రానా దగ్గుబాటికి ఆయన మీద విపరీతమైన అభిమానం ఏర్పడింది. ఈ పాత్ర రానా కెరీర్ లోనే మరిచిపోలేని పాత్ర గా నిలిచిపోతుంది. అలాగే ఈ చిత్రం ఆ మహా మల్లయోధ వీరునికి ఘనమైన నివాళిగా రూపుదిద్దుకోనుంది.
తెలుగు, హిందీ భాషల్లో
ప్రస్తుతం ఎన్నో భారీ, వైవిధ్యమైన చిత్రాలతో బిజీగా ఉన్న రానా దగ్గుబాటి త్వరలో చేయబోయే ఈ భారీ, చారిత్రాత్మక యాక్షన్ డ్రామా తెలుగు, హిందీ భాషల్లో రూపొందనున్నది. సౌత్ కి చెందిన ఒక అగ్ర నిర్మాణ సంస్థ తో పాటు ప్రముఖ అంతర్జాతీయ నిర్మాణ సంస్థ కలిసి ప్రతిష్టాత్మకంగా ఈ చిత్రాన్ని నిర్మించనున్నారు.
ప్రముఖ దర్శకుడితో సంప్రదింపులు
కోడి రామ్మూర్తినాయుడు జీవిత కథ ఆధారంగా రూపొందే చిత్రం కోసం ఒక అగ్ర దర్శకుడితో సంప్రదింపులు జరుగుతున్నాయి. అన్ని అనుకున్నట్టు జరిగితే అతి త్వరలోనే ఈ చిత్ర షూటింగ్ ప్రారంభం అవుతుంది. చిత్ర కథని రైటర్స్ అసోసియేషన్ లో రిజిస్టర్ చేయడం కూడా జరిగింది. ప్రస్తుతం ప్రీ-ప్రొడక్షన్ పనులు జరుగుతున్నాయని ఇండస్ట్రీలో టాక్ వినిపిస్తోంది.