‘బాహుబలి-2’ ప్రాజెక్ట్ నుండి రానా ఔట్

తేజ దర్శకత్వంలో

తేజ దర్శకత్వంలో రూపొందబోయే సినిమాను అక్టోబర్‌ 1వ తేదీ నుంచి మొదలు పెట్టడానికి సన్నాహాలు చేసుకుంటున్నాడు రనా. ఈ సినిమాలో కాజల్‌ హీరోయిన్‌గా నటిస్తున్న విషయం తెలిసిందే.

ది కంక్లూజన్

రాజమౌళి దర్శకత్వంలో గతేడాది వచ్చిన పార్ట్ 1 'బాహుబలి-ది బిగినింగ్' చూసిన ప్రతి ఒక్కరూ.... పార్ట్ 2 'బాహుబలి-ది కంక్లూజన్' ఎప్పుడు వస్తుందా అని ఆసక్తిగా ఎదురు చూస్తున్నారు. కట్టప్ప బాహుబలిని ఎందుకు చంపాడు? అనే ప్రశ్నకు సమాధానం తెలసుకోవడానికైనా చాలా మంది ఈ సినిమా కోసం ఎదురు చూస్తున్నారు.

ఏప్రిల్ 28న

రిలీజ్ ఎప్పుడెప్పుడాని ఎదురు చూస్తున్న ప్రేక్షకులకు ఇటీవలే గుడ్ న్యూస్ చెప్పారు. బాహుబలి-2 రిలీజ్ డేట్ ను ప్రకటించారు. బాహుబలి రెండో పార్ట్ హిందీ వర్షెన్ 2017, ఏప్రిల్ 28న విడుదలవుతున్నట్టు బాలీవుడ్ దర్శకుడు కరణ్ జోహార్ తెలిపారు.

కరణ్‌ జోహార్

ధర్మ ప్రొడక్షన్స్‌ బ్యానర్‌పై బాలీవుడ్‌లో 'బాహుబలి'ని విడుదల చేసిన కరణ్‌... రెండో పార్ట్ బాహుబలి ది కన్ క్లూజన్ హిందీ వర్షెన్ ను కూడా డిస్ట్రిబ్యూట్ చేయనున్నట్టు ప్రకటించారు. బాహుబలి అఫీషియల్ ఫేస్ బుక్ పేజీలో కూడా ఈ విషయాన్ని ప్రకటించారు.