హోమ్

న్యూస్

లీడర్ ఫేమ్ రాణా, ప్రముఖ దర్శకుడు పూరి జగన్నాధ్ కాంబినేషన్ ‌లో లక్ష్మీ నరసింహా ప్రొడక్షన్స్‌ పతాకంపై నల్లమలుపు బుజ్జి నిర్మిస్తున్న చిత్రం రామానాయుడు స్టూడియోలో నిరాడంబరంగా ప్రారంభమైంది. డాడి.రామానాయుడు, వెంకటేష్‌, సురేష్‌బాబు, నాగచైతన్య, ఇలియానా ఈ కార్యక్రమంలో పాలుపంచుకున్నారు. పూరి రూపొందించిన 'పోకిరి"లో నటించిన ఇలియానా మళ్లీ ఈ చిత్రంలో పూరి దర్శకత్వంలో రెండోసారి నటించనుంది. ఈనెల 13 నుంచి రెగ్యులర్‌ షూటింగ్‌ ప్రారంభించుకోనున్న ఈ చిత్రం షూటింగ్‌ కొంత పార్ట్‌ ఇటలీలో జరుగుతుంది. వెంకటేష్‌ తో బుజ్జి నిర్మించిన 'చింతకాయల రవి" చిత్రానికి సంగీతాన్నందించిన 'విశాల్‌-శేఖర్‌" ద్వయం ఈ చిత్రానికి సంగీతం అందించనున్నారు. సుబ్బరాజు, ప్రదీప్‌రావత్‌, అలి, ముమైత్‌ఖాన్‌ ఈ చిత్రంలో ఇతర ముఖ్యపాత్రలు పోషించనున్నారు.