రాణా రెడీ ...

By Staff

Published: Friday, March 13, 2026, 5:50 [IST]

ఇప్పుడు తెలుగు తెరపై వారసుల ప్రవేశం ముమ్మరంగా జరుగుతోంది. ప్రముఖులంతా తమ తమ వారసులని తమ లాగా సాంకేతిక రంగాల్లోకి పంపకుండా హీరోలుగా ఎంట్రీ ఇప్పిస్తున్నారు. ఎందుకంటే మన పెట్టుబడి, తెలివి లేకుండా టెన్షన్ పడకుండా లాభ నష్టాలుకు అతీతంగా కూర్చుని డిమాండు చేస్తూ మరీ కోట్లు సంపాదించుకోవచ్చు. పేరుకు పేరు గ్లామర్ కి గ్లామర్ ...పాపులారిటీకి పాపులారిటి వస్తుంది. యేదో విధంగా సొంత డబ్బులతో హీరోగా నిలబెడితే తర్వాత అతనే రెండు మూడు తరాలకు సరపడ సంపాదించి పడేస్తారని అందరూ నమ్ముతున్నారు. ప్రస్తుతం ప్రముఖ నిర్మాత, సురేష్ ప్రొడక్షన్స్ అథినేత డా.డి.రామానాయుడు మూడో తరం తెరంగ్రేటంకి ఏర్పాట్లు ఘనంగా జరుగుతున్నాయి.

తన పెద్ద మనుమడు..సురేష్ బాబు కుమారుడైన దగ్గుపాటి రాణా ని రామానాయుడు పుట్టిన రోజున (డిసెంబర్ 14) లాంచ్ చేయాలని నిర్ణయించుకున్నారట. దానికోసం రాణా ముంబైలోని ఫిల్మ్ స్కూల్లో చేరి యాక్టింగ్ పాఠాలు వల్లె వేస్తున్నాడట. ఇక ఈ చిత్రానికి దర్శకుడిగా వెంకటేష్ కి 'ఆడు వారి మాటలుకు అర్ధాలే వేరులే' అనే మంచి హిట్ ఇచ్చిన సెల్వరాఘవన్ ని ఎంపిక చేసారట. అతను ఇప్పటికే కథ వినిపించి ట్రీట్ మెంట్ తో వస్తానని చెప్పాడట. దాంతో చిరవకు హీరోల లాంచింగ్ కూడా తమిళ దర్శకుల చేతుల్లోకి వెళ్ళిపోతోందని మనవాళ్ళు వేడి వేడిగా నిట్టూర్సున్నారు. సక్సెస్ కి తమళ,తెలుగు భేధాలేమిటి ...అది ఎక్కడుంటుందో అంతా అక్కడే ఉంటుంది అందరూ దాని చుట్టు ప్రక్కలే ఉంటారంటున్నారు ఇది విన్న సీనియర్లు.

More from Filmibeat