రానా నిర్ణయం అద్బుతం : ఎవరీ కోడి రామ్మూర్తి నాయుడు ??? (ఫొటో స్టోరీ)

మహవీర్ సింగ్ పొగాట్

మల్లయోధుడు మహవీర్ సింగ్ పొగాట్ కథతో సుల్తాన్ గా తెరపైకి వచ్చిన బాలీవుడ్ కండల వీరుడు సల్మాన్ ఖాన్ భారీ కలెక్షన్స్ రాబట్టడానికి బాక్సాఫీస్ వద్ద కుస్తీ పడుతున్నాడు. ఇక ఇటువంటి సినిమానే అమీర్ దంగల్ సినిమాలో చేస్తున్నాడు.

బయో పిక్ ట్రెండ్

మల్లయోధుల మీద ఇప్పుడు మరింత ఆసక్తి పెంచిన సినిమాలివి. బయో పిక్ ట్రెండ్ లో వచ్చిన అన్ని సినిమాల్లోనూ ఒక భిన్నమైన భారత దేశ ప్రాచీన పోరాట కళల మీదికి మరోసారి అందరి దృస్టినీ మళ్ళించాయి.

బాలీవుడ్

బాలీవుడ్ లో తయారైన ఈ రెండు సినిమాల మీదా ఆ మల్లయోధుల పాత్రల మీదా మనసు పారేసుకున్నాడు భల్లాల దేవుడు రానా

కోడి రామ్మూర్తి నాయుడు

తాజాగా రానా ఓ సందర్భంలో మాట్లాడుతూ, విజయనగరానికి చెందిన ప్రముఖ మల్లయోధుడు 'కోడి రామ్మూర్తి నాయుడు' గురించి ప్రస్తావించాడు. 'కలియుగ భీముడు' గా పేరు ప్రఖ్యాతులను సంపాదించిన ఆయన గురించి వింటూ తాను పెరిగానని అన్నాడు. ఆయన పాత్రలో నటించాలని ఉందని చెప్పాడు.

సుల్తాన్, దంగల్

బాలీవుడ్ లో వచ్చిన సుల్తాన్ దంగల్ ఈ రెండు సినిమాలూ టాలీవుడ్ లో ఆలోచనల్ని రేకెత్తించాయి. తెలుగు వారిలో కూడా మల్లయోధులున్నారు. వారి గురించి సినిమా ఎందుకు తీయకూడదు అని హీరో రానా ఆలోచిస్తున్నాడు.

కుస్తీ పోటీలకూ

హైదరాబాద్ లోనూ మల్లయోధులకూ, కుస్తీ పోటీలకూ పెద్ద చర్రిత్రే ఉంది. ధూల్‌పేట్‌ పరిసర ప్రాంతాల్లో అనేక వ్యాయామశాలలున్నాయి. లాలా తాలీమ్‌, మహారథి కరణ్‌ ఉస్తాద్‌ గులాబ్‌ వ్యాయామశాల, గండిహనుమాన్‌ తాలీమ్‌, బాలాజీ పహల్వాన్‌ తాలీమ్‌, సేవాదళ్‌ తాలీమ్‌, రహీంపురా జీహెచ్‌ఎంసీ వ్యాయామశాల, ధూల్‌పేట్‌ మినీ స్టేడియం, గాంధీబైటక్‌ తాలీమ్‌, బడాబంగ్లా తాలీమ్‌, భవానీ ఉస్తాద్‌ తాలీమ్‌లలో 20 మంది ఉస్తాద్‌లు తర్ఫీదు ఇస్తున్నారు. వీళ్ల వద్ద వద్ద 500 మంది మల్లయోధులు శిక్షణ పొందుతున్నారు.

కోడి రామ్మూర్తి

కోడి రామ్మూర్తి అంటే ఈ తరం వారికి తెలీకపోవచ్చు కానీ...నిన్నటి జనరేషన్ వరకూ బాగా సుపరిచితమైన పేరు. కుస్తీ పోటీల్లో ఎదుటి పోటీదారుని గడగడ వణికించి, చిత్తు చేసిన మల్లయుద్ధ యోధుడు కోడి రామమూర్తి.

కోడి రామ్మూర్తి నాయుడు

గట్టిగా ఊపిరి పీల్చుకుని కండలు బిగించి, తన ఛాతీకి చుట్టిన ఉక్కు తాళ్ళను తెంచేవారు. ఛాతీ మీదకు ఏనుగును ఎక్కించుకుని ఐదు నిముషాల పాటు నిలిపేవారు.
రెండు కార్లను వాటికి కట్టిన తాళ్ళు రెండు చేతులుతో పట్టుకుని కదలకుండా ఆపేవారు.ఒంటి చేత్తో రైల్ ఇంజను ఆపిన ఘనుడు.21 సంవత్సరాల వయసులోనే ఇతడు రొమ్ముపై 1.5 టన్నుల భారాన్ని మోసేవాడు. తరువాత 3 టన్నుల భారాన్ని కూడా మోయగలిగాడు..

బకింగ్ హామ్ ప్యాలెస్

ఆయన ఆ రోజుల్లో లండన్ కు వెళ్లి అక్కడ బకింగ్ హామ్ ప్యాలెస్ లో కూడా కుస్తీ పోటీలో తన సత్తా చాటుకున్నాడు. బ్రిటిష్ రాణి ఆయనకు ఇండియన్ హెర్క్యులెస్ అనే బిరుదు కూడా ఇచ్చింది.

కోడి రామ్మూర్తి జీవితకథ

తెలుగువారికి గర్వకారణమైన కోడి రామ్మూర్తి జీవితకథను సినిమాగా తీయాలని, అందులో నటించాలని రానా అనుకుంటున్నాడట. బాలీవుడ్ సినిమాలతో పోటీగా కోడి రామ్మూర్తి లైఫ్ స్టోరీని తెరకెక్కించాలని రానా ఆలోచిస్తున్నాడు.

రానా

రానా ఆలోచన మంచిదే. మనకు యుద్ధవీరులూ, మల్లయుద్ధ ప్రవీణులూ చాలామందే ఉన్నారు. అలాంటి వారిని తిరిగి మననం చేసుకోవడం అవసరం కూడా.