For Quick Alerts
    ALLOW NOTIFICATIONS  
    For Daily Alerts

    Brahmastra First Review: బ్రహ్మాస్త్రం ఫస్ట్ రివ్యూ వచ్చేసింది.. అదే కొంపముంచిందట..

    |

    బాలీవుడ్ క్యూట్​ఫుల్​ కపుల్​గా పేరు తెచ్చుకున్నారు రణ్​బీర్​ కపూర్, అలియా భట్. వీరిద్దరి ప్రేమ, పెళ్లి ఎంత హాట్​ టాపిక్ అయిందో ప్రత్యేకంగా చెప్పనవసరం లేదు. అయితే వీరిద్దరూ ఫస్ట్​ టైమ్​ ఆన్​స్క్రీన్​ జోడీగా వస్తున్న చిత్రం బ్రహ్మాస్త్రం. విజువల్ ఫాంటసీగా తెరకెక్కిన ఈ సినిమాకు అయాన్​ ముఖర్జీ దర్శకత్వం వహించారు. అలాగే బ్రహ్మాస్త్రం చిత్రానికి దక్షిణాన సమర్పకుడిగా దర్శక ధీరుడు రాజమౌళి వ్యవహరిస్తున్న విషయం తెలిసిందే. సెప్టెంబర్ 9న ప్రపంచవ్యాప్తంగా విడుదల కానున్న ఈ చిత్రానికి ప్రమోషన్స్​ను భారీగానే చేస్తున్నారు. అయితే ఈ క్రమంలోనే బ్రహ్మాస్త్రం మూవీ ఫస్ట్​ రివ్యూ వచ్చేసింది.

    అత్యాధునిక సాంకేతితతో..

    అత్యాధునిక సాంకేతితతో..

    భారతదేశ చరిత్రలో భారీ బడ్జెట్​, అత్యాధునిక సాంకేతికతతో తెరకెక్కించిన మూవీ బ్రహ్మాస్త్ర. తెలుగులో బ్రహ్మాస్త్రం పేరుతో విడుదల చేస్తున్నారు. దక్షిణాది భాషల్లో ప్రముఖ దర్శకుడు రాజమౌళి డిస్ట్రిబ్యూట్​ చేస్తున్నారు. స్టార్ స్టూడియోస్​, ధర్మ ప్రొడక్షన్స్​, ప్రైమ్ ఫోకస్​, స్టార్​ లైట్ పిక్చర్స్​ సంయుక్తంగా నిర్మిస్తున్న బ్రహ్మాస్త్రం సినిమాకు భారీగానే ప్రమోషన్స్ నిర్వహిస్తున్నారు.

    చీఫ్​ గెస్ట్​గా యంగ్​ టైగర్​ ఎన్టీఆర్..

    చీఫ్​ గెస్ట్​గా యంగ్​ టైగర్​ ఎన్టీఆర్..

    హైదరాబాద్​లో జరిగిన ఈ చిత్రం ప్రీ రిలీజ్ ఈవెంట్​కు యంగ్​ టైగర్​ జూనియర్ ఎన్టీఆర్​ను ముఖ్య అతిథిగా హాజరైన విషయం తెలిసిందే. అంతేకాకుండా బుల్లితెరపై అత్యధిక పాపులారిటీతో దూసుకుపోతున్న బిగ్​బాస్​ షో, క్యాష్​ ప్రోగ్రామ్​లలో బ్రహ్మాస్త్ర టీమ్​ పాల్గొని సందడి చేసింది. ఇక ఏ సినిమాకు చేయని విధంగా ఈ చిత్రం ప్రమోషన్స్​లో రాజమౌళి యాక్టివ్​గా పాల్గొనడం విశేషం.

    ఫస్ట్​ రివ్యూ..

    ఫస్ట్​ రివ్యూ..

    అయితే ఈ మూవీ హిందీతోపాటు తెలుగు, తమిళం, కన్నడ, మలయాళ భాషల్లో వరల్డ్ వైడ్​గా సెప్టెంబర్​ 9న ప్రేక్షకుల ముందుకు రానుంది బ్రహ్మాస్త్రం చిత్రం. ఈ మూవీ ఎలా ఉంటుందనే అంచనాలు భారీగానే ఉన్నాయి. ఈ నేపథ్యంలో బ్రహ్మాస్త్రం ఫస్ట్​ రివ్యూ రానే వచ్చేసింది. ఈ రివ్యూను ప్రముఖ సెన్సార్ సభ్యుడు, విశ్లేషకుడు అయిన ఉమర్​ సంధు ఇచ్చాడు. బ్రహ్మాస్త్రం చిత్రాన్ని వీక్షించిన ఆయన తాజాగా సోషల్ మీడియా వేదికగా అభిప్రాయాన్ని పంచుకున్నాడు.

    భారీ అంచానాలు, కానీ..

    భారీ అంచానాలు, కానీ..

    ''బ్రహ్మాస్త్రం చిత్రం అన్ని విధాలుగా చాలా భారీ సినిమా. భారీ తారాగణం. భారీ కాన్వాస్​. ఎస్​ఎఫ్​ కోసం భారీగా ఖర్చు. భారీగా ప్రమోషన్స్​. భారీ అంచానాలు. కానీ, బాధాకరం ఏంటంటే ఈ భారీ అంచనాలే నిరుత్సాహపరిచాయి. నిజానికి ఇది ఒక యావరేజ్​ చిత్రం.

    బాలీవుడ్​లో చాలా అరుదు..

    బాలీవుడ్​లో చాలా అరుదు..

    నిజానికి బాలీవుడ్​లో ఫాంటసీ, అండ్వెంచర్​ సినిమాలు చాలా అరుదు. ఒక అద్భుతమైన ఊహా లోకాన్ని సృష్టించిన అయాన్ ముఖార్జీ ధైర్యాన్ని మెచ్చుకోవాల్సిందే. కానీ, బ్రహ్మాస్త్రం సినిమా స్క్రీన్​ ప్లే, కథ పూర్తి యావరేజ్​గా ఉన్నాయి. ఇంకా కొన్నిసార్లు గందరగోళంగా కూడా ఉంది'' అని చెబుతూ 5కు 2.5 స్టార్ రేటింగ్​ ఇచ్చాడు ఉమర్ సంధు.

    భారీ క్యాస్టింగ్​..

    భారీ క్యాస్టింగ్​..

    మరి ఇక థియేటర్లలో చూసే ప్రేక్షకులు ఏ విధంగా స్పందిస్తారో చూడాలి. కాగా ఈ చిత్రంలో రణ్​బీర్​ కపూర్​, అలియా భట్​తోపాటు బాలీవుడ్​ బిగ్​బి అమితాబ్ బచ్చన్​, గ్లామరస్​ బ్యూటీ మౌనీ రాయ్​, టాలీవుడ్ మన్మథుడు నాగార్జున నటించిన విషయం తెలిసిందే.

    English summary
    Bollywood Actress Ranbir Kapoor Alia Bhatt Amitabh Bachchan Mouni Roy And Nagarjuna Starrer Brahmastra Movie First Review Was Given By Analyst Umair Sandhu.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X