ఫోటో వైరల్: సొంతగా ప్రైవేట్ విమానం బుక్ చేసుకున్న మెగా ఫ్యామిలీ....

ప్రత్యేక విమానంలో

ఈ వేడుకలో పాల్గొనేందుకు చిరంజీవి కుటుంబ సభ్యులు హైదరాబాద్ నుండి వైజాగ్‌కు ప్రత్యేకంగా ప్రైవేట్ జెట్ బుక్ చేసుకుని వెళ్లారు. రోడ్డు మార్గాన వెళితే చాలా సమయం పట్టే అవకాశం ఉండటం వల్ల ఇలా ప్లాన్ చేసినట్లు స్పష్టమవుతోంది.

ఆదివారం రాత్రి అక్కడే...

ఆదివారం సాయంత్రం హైదరబాద్ నుండి బయల్దేరిన మెగా ఫ్యామిలీ ‘రంగస్థలం' ప్రీ రిలీజ్ వేడుక ముగిసిన అనంతరం రాత్రి వైజాగ్ లోనే బస చేశారు. సోమవారం ఉదయం అంతా కలిసి మళ్లీ అదే విమానంలో హైదరాబాద్ చేరుకున్నట్లు సమాచారం.

ఫోటోస్ వైరల్

మెగా ఫ్యామిలీ ప్రైవేట్ జెట్ ఫోటో ఇంటర్నెట్లో వైరల్ అయింది. మెగా ఫ్యామిలీ తమ రేంజికి తగిన విధంగా ప్రత్యేక విమానంలో వైజాగ్ వెళ్లారని చర్చించుకుంటున్నారు అభిమానులు. ఈ ఫోటోలో చిరంజీవి తన కాలును కొడుకు చరణ్ కాలుపై పెట్టి ఫోటోలకు ఫోజు ఇస్తున్న దృశ్యాన్ని ఇక్కడ చూడొచ్చు.

రంగస్థలం

రంగస్థలం సినిమా విషయానికొస్తే ఈ చిత్రం మార్చి 30న విడుదల సిద్ధమవుతోంది. సుకుమార్ దర్శకత్వం వహించిన ఈ చిత్రంపై అంచనాలు భారీగా ఉన్నాయి. మైత్రి మూవీ మేకర్స్ ఈ ఇప్పటి వరకు వచ్చిన రామ్ చరణ్ సినిమాలన్నింటినీ మించి పోయేలా అత్యధిక థియేటర్లలో విడుదల చేయబోతున్నారు.