హీరోయిన్ రాణి ముఖర్జీ ఇంట్లో విషాదం

ప్రముఖ బాలీవుడ్ హీరోయిన్ రాణి ముఖర్జీ ఇంట్లో విషాదం నెలకొంది. ఆమె తండ్రి, ప్రముఖ ఫిల్మ్ మేకర్ రామ్ ముఖర్జీ కన్నుమూశారు. కొంత కాలంగా అనారోగ్యంతో బాధపడుతున్న రామ్ ముఖర్జీ ఆదివారం తెల్లవారుఝామున 4 గంటలకు తుదిశ్వాస విడిచారు.

దర్శకుడిగా, నిర్మాతగా, స్కీన్ రైటర్ గా రామ్ ముఖర్జీ అనేక హిందీ సినిమాలకు, బెంగాళీ సినిమాలకు పని చేశారు. ముంబైలోనే ఈరోజు ఆయన అంత్య క్రియలు నిర్వహించనున్నట్లు కుటుంబ సభ్యులు వెల్లడించారు.

ఈ ఏడాది బాలీవుడ్ ఎంతో మంది సినీ ప్రముఖులను కోల్పోయింది. వినోద్ ఖన్నా, ఓంపురి, కుందన్ షా, లేఖ్ టండన్ పాటు ఇపుడు రామ్ ముఖర్జీ కూడా కన్నుమూయడంతో బాలీవుడ్ విషాదంలో మునిగి పోయింది.